Obduksjonsteknikar

Ein obduksjonsteknikar er ein medisinfaglig teknikar som utfører kliniske obduksjonar. Klinisk obduksjon er viktig for å stilla riktige diagnosar etter dødsfall. Dette blir gjort for å finna årsaka til at ein person er død, og ofte blir avdekt sjukdommar ein tidlegare ikkje har vore klar over.

Det skilst mellom ein rettsmedisinsk obduksjon, og ein medisinsk obduksjon. Den rettsmedisinske er det politiet som rekvirerer, medan dei medisinske blir rekvirert av ein lege. Korrekte diagnosar er viktig for at helsemyndane skal få kunnskap om sjukdomsbildet i befolkninga. Den rettsmedisinske obduksjonen er spesielt viktig når politiet undersøker mistenkelege eller unaturlege dødsfall.

Obduksjonsteknikaren opnar opp og tar ut organ frå den døde, og syr deretter igjen obduksjonssnittet. Det er obduksjonsteknikaren som steller og førebur liket, og sørger for at likt er klart for ei eventuell syning.

Obduksjonsteknikaren har òg ansvaret for å organisera det daglege arbeidet i obduksjonssalen. Det inneber å koordinera obduksjonsførespurnader, sørga for at utstyret er i orden og etterfylla alt av forbruksartiklar til dømes prøvetakingsmateriale.

Nokre vanlege arbeidsoppgåver:

I bårehus

• koordinera bruk av kapell og syningsrom
• stell, nedlegging i kiste og syning av lik
• ta ut elektroniske implantater som ICD (Implanterbar hjertestarter), pacemaker og liknande
• legga til rette for og rettleia ved ulike gravferdritual ved aktuelt bårehus
• handtera og stell av lik som er komme frå utland eller skal transporterast ut av landet, utarbeida nødvendige transportdokument og utføra*omlegging til eller frå transportkiste/sinkkiste

Ved obduksjon:

• organisera og avvikla obduksjonar i samråd med patolog/rettspatolog
• klargjera obduksjonssal før og etter bruk i samsvar med prosedyrar
• ansvar for at gjeldande hygieneforskrifter blir følgde på obduksjonssalen
• utføra balsamering i samsvar med gjeldande prosedyrar
• utvida stell og preparering av lik til dømes ved ulykker

Obduksjonsteknikeren arbeider sjølvstendig og i tett samarbeid med patologar og rettsmedisinere. Obduksjonsteknikaren har òg mykje kontakt med gravferdsbyrå og gravferdkonsulentar i samband med stell av dei døde og henting av liket. Obduksjonsteknikarar kan òg samarbeida med prestetjenesten, til dømes når pårørande ønsker å sjå den avdøde.