Sjukepleiar

Ein sjukepleiar førebygger og behandlar sjukdom. Du kan jobbe med akutt eller kronisk sjuke og med personar som har utfordringar med den psykiske helsa si eller rus.

Sjukepleiarar jobbar med menneske i alle livsfasar, frå fødsel til død. Dei jobbar og med menneske frå alle kulturar og samfunnslag. Derfor er det viktig å vere flink til å kommunisere og samhandle.

Ein sjukepleiar skal ha kompetanse og haldningar som sørger for like tilbod om helsehjelp for alle.

Vanlege arbeidsoppgåver for ein sjukepleiar:

• helsefremjande og førebyggande arbeid gjennom undervisning og veiledning
• behandle sjukdom og lindre plager og ubehag
• gi omsorg og redde liv
• observere og vurdere tilstanden til pasientane og behov
• administrere medikament og utføre prosedyrer
• lære folk å leve eit liv med sjukdom, meistring og rehabilitering
• utføre helsekontroller
• ta vare på både pasienten og dei pårørende
• delta i fagutvikling og forbedringsarbeid
• bruke teknologi og digitale løysingar som støttar pasientar og pårørande

Ein viktig del av arbeidet til ein sjukepleiar er å koordinere helsetenestene til pasienten og samarbeide med andre yrkesgrupper som er involverte i pasientbehandlinga. Det kan vere pårørande, anna helsepersonell, politi, teknisk personell og liknande. Som sjukepleiar må du kunne leie og ta ansvar for dette samarbeidet.

For å kunne jobbe som sjukepleiar må du søke om autorisasjon etter du har bestått alle eksamenar og praksisperiodar i bachelorgrada. Du får autorisasjon gjennom Helsedirektoratet.

Nokre sjukepleiarar vel etter kvart å ta ei mastergrad eller vidareutdanning og spesialisere seg. Då kan du blant anna bli:

• jordmor
• helsesjukepleiar
• barnesjukepleiar
• anestesisjukepleier
• operasjonssjukepleiar
• intensivsykepleier
• kreftsykepleier
• avansert Klinisk allmennsjukepleiar (AKS) 
• sjukepleiarar innan psykisk helse- og rusfeltet