Gjennomgått i samarbeid med Norsk forening for geriatri 20. juni 2022

Geriatar

Som geriatar er du spesialist på sjukdommar hos eldre menneske.

Arbeidsoppgaver

Geriatar er legar med spesialisering i sjukdommar hos eldre menneske.

Som geriatar er du spesialist på å undersøke, stille diagnose og behandle eldre menneske. Geriatri omfattar akuttfelt som akuttgeriatri og hjerneslagbehandling, men også utgreiingspasientar og rehabilitering.

I behandlinga av eldre pasientar er det viktig å vareta det heilskaplege perspektivet. Pasientane har ofte eit samansett sjukdomsbilete der fleire sjukdommar opptrer samstundes og ein brukar ulike medisintypar. Som geriatar må du ha kunnskap om aldring og samansette lidingar, men også om hensiktsmessig medikamentbruk og problem rundt medikamentbruk hos sårbare pasientar.

Demens, hjerneslag, hjartesjukdommar, lungesjukdommar og beinskøyrheit er sjukdommar som ofte oppstår hos eldre.

Geriatarar samarbeider ofte med psykiatrar, allmennlegar og nevrologar for å få eit heilskapleg bilete av sjukdomssituasjonen og -historia til pasienten. Arbeid i tverrfaglege team er ein viktig del av arbeidsmetoden.

Førebyggande og rådgivande arbeid for pasientar og pårørande er også ein viktig del av arbeidet.

Kor jobbar geriatarar?

Som geriatar kan du arbeide på sjukehus, klinikkar, legekontor, i privat praksis, humanitære organisasjonar og innan medisinsk forsking.

En mann med kort hår og skjegg. Han smiler og ser rett i kameraet.

Geriater

Øystein Fossdal

– Man må være empatisk, tålmodig, og evne å se det store bildet. Noen legespesialiteter fokuserer på ett organ – som geriater må du kunne se helheten, sier Øystein.

Les intervjuet

Geriater

Dyveke Gleditsch

Når det kommer inn en pasient med akutt forvirring er det spennende å finne årsaken sier geriater og detektiv, Dyveke Gleditsch.

Les intervjuet

Viktige egenskaper for en geriatar

Som lege må du vere interessert i å hjelpe menneske og du må evna å sjå kvar pasient som eit individ. Du må ha gode kommunikasjons- og samarbeidsevner. Du må òg være sjølvstendig, ha god vurderingsevne og kunne takle eventuelle krisesituasjonar.

Kva tener geriatarar?

Korleis utdannar du deg til geriatar?

Legespesialiseringa begynner etter at du er ferdig med medisinstudiet og har fått autorisasjon som lege. I praksis vil alle nyutdanna legar fortsette i eit spesialiseringsløp. Spesialiseringa varer i minst seks og eit halvt år. Den første delen er felles for alle spesialitetane og varer i halvtanna år. Den består av eitt års praksis på eit sjukehus og eit halvt års praksis i ein kommune.

Dei neste fem åra er spesialisering innan retninga du har valt. Dei fleste finn ut kva slags spesialist dei vil bli når dei går på medisinstudiet, og mange bytter også spesialisering undervegs i spesialistutdanninga. Spesialistutdanninga går føre seg mens du jobbar som lege.