Tømrar

Som tømrar bygger og monterer du ulike trekonstruksjonar og innreiingar, og du pussar opp eldre bygningar.

Vanlege arbeidsoppgåver for ein tømrar:

• Bygge trehus og andre konstruksjonar i tre
• Innrede hus laga av tre, mur, stål eller betong
• Vedlikeholde og rehabilitere bygninger
• Lage og montere element og moduler
• Planlegge eige arbeid og samarbeide med andre fagfolk
• Lese og forstå teikningar og beskrivingar

Tømrarar er ei stor yrkesgruppe. Småhus blir bygd som oftast i tre, mens større bygg gjerne har stål- og betongkonstruksjonar med trekledning i ytterveggane. Det blir også meir vanleg å bygge store hus i massivtre.

Tømraren gjer også innvendig arbeid i alle typar bygg. Det kan vere å sette opp innerveggar, isolere, kle med plater eller panel, montere dører, vindauge, kjøkken og golv, eller legge lister.

Ein tømrar held ved like og oppgraderer også eksisterande trehus slik at dei møter dagens standard. Dette kallast rehabilitering. Når gamle, verneverdige hus skal førast tilbake til sin opphavlege tilstand, kallast det restaurering, og det krev kunnskap om gamle byggemetodar og materiale.

Som tømrar jobbar du etter rutinar, teikningar og beskrivingar, og bruker både handverkstøy, elektrisk verktøy og avansert utstyr. Du bruker også digitale hjelpemiddel til informasjon og dokumentasjon.

Arbeidet skal utførast effektivt og sikkert, med omsyn til helse, miljø og sikkerheit (HMS). God avfallshandtering er ein naturleg del av jobben, og gjenbruk av materiale blir stadig viktigare for å redusere avfall.

Ein tømrar kan jobbe både sjølvstendig og i team, ofte saman med andre faggrupper som murarar, blikkenslagarar, betongfagarbeidarar, 
målarar, elektrikarar og røyrleggarar.