Yrkesfaglærar

Yrkesfaglærarar har ulike kompetansar og underviser innanfor faga sine.

Yrkesfaglærarar har sjølv bakgrunn og erfaring frå fagfeltet som dei underviser i, anten det er bygg- og anleggsteknikk eller helse- og oppvekstfag.

Ein yrkesfaglærar støttar barn og vaksne i læringa deira, utvikling og danning. Det er eit viktig yrke for både enkeltmenneske og samfunnet. Som yrkesfaglærar får du kompetanse til å undervisa, skapa gode læringsmiljø og vidareformidla eigne erfaringar til nye generasjonar fagarbeidarar.

Gjennom undervisninga får elevane forståing, yrkesidentitet og motivasjon for vidare læring. I studiet får du innsikt i korleis skulen og arbeidslivet samarbeider om opplæringa, og korleis du som yrkesfaglærar kan bidra til å skapa gode læringsarenaer i både klasserom, verkstad og arbeidsliv.

Du utviklar ferdigheiter i å leia læringsprosessar, byggja relasjonar og støtte den faglege og personlege utviklinga til elevane. Studiet legg vekt på å styrkja din eigen fagkompetanse og du lærer å bruka både tradisjonelle og nye arbeidsformer som fremjar djupnelæring, samarbeid og inkludering.

Som lærer må du ta omsyn til at alle elevar er ulike, og at nokre av dei kan ha behov for tilrettelagd undervisning. Når enkeltelevar treng ekstra hjelp, skal læraren bidra til å få laga eit pedagogisk opplegg som gjer det enklare for desse barna å læra. Dette kan gjerne gjerast i samarbeid med ein spesialpedagog.

Som lærer må du også handtera mange ulike situasjonar, for døme mobbing.

Vanlege arbeidsoppgåver for ein yrkesfaglærar:

• setja deg inn i læreplanar og læringsmål for faga
• planleggja undervisninga
• vurdera elevane og gi karakterar
• skapa godt eit godt lærings- og klassemiljø

Du samarbeider tett med andre lærarar, rektor, undervisningsinspektør, avdelingsleiar og andre tilsette ved skulen. Det er også viktig å ha eit godt samarbeid med foreldre.