Gynekolog
Arbeidsoppgaver
Ordet gynekologi betyr læra om kvinner. Gynekologar er legar som har spesialisert seg i kvinnesjukdommar og fødselshjelp.
Vanlege arbeidsoppgåver for ein gynekolog:
- følge opp risikosvangerskap og fødslar
- medisinsk oppfølging under fødsel, og forløysing med keisarsnitt eller fødselstang dersom det oppstår komplikasjonar under fødselen
- vurdering og behandling av kvinner som har plager og sjukdommar i underlivet, til dømes smerter, blødingar eller problem med vannlatning (urinering)
- utføre operasjonar på livmor, eggstokkar og i underlivet
- oppdage og behandle kreftsjukdommar i underlivet hos kvinner
- behandling av par som har problem med å bli gravide
Som gynekolog kan du også drive med forsking.
I dette yrket må du vere innstilt på å halde deg oppdatert på medisinsk og teknologisk utvikling.
Kor jobbar gynekologar?
Dei fleste gynekologar jobbar på sjukehus, men det finst også moglegheit for å drive eigen praksis eller jobbe i private føretak. Nokre gynekologar driv med forsking og undervisning, ofte kombinert med legearbeid.
Bli med ein gynekolog på jobb
Korleis er det å jobbe som gynekolog?
Gynekolog
Ole Aleksander Dyrkorn
Viktige eigenskapar for ein gynekolog
Ein gynekolog arbeider med pasientar kvar dag og du bør derfor like å arbeide med menneske. Du må ha evna til å sjå kvar pasient som et individ. Du må også ha gode kommunikasjonsevner, gode samarbeidsevner og god vurderingsevne.
Kva tener gynekologar?
Korleis utdannar du deg til gynekolog?
Legespesialiseringa startar etter at du er ferdig med medisinstudiet og har fått autorisasjon som lege. I praksis vil alle nyutdanna legar halde fram i eit spesialiseringsløp. Spesialiseringa varer i minst seks og eit halvt år. Den første delen er felles for alle spesialitetane og varer i halvtanna år. Han består av eitt års praksis på eit sjukehus og eit halvt års praksis i ein kommune.
Dei neste fem åra er spesialisering innan retninga du har valt. Dei fleste finn ut kva slags spesialist dei vil bli når dei går på medisinstudiet, og mange byter òg spesialisering undervegs i spesialistutdanninga. Spesialistutdanninga går føre seg medan du jobbar som lege.
Kva jobbar medisinutdanna med?
- 7631 - Medisin
Bedrifter: Kor jobbar gynekologar?
Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.
Bedrifter med gynekologar
Vigo
Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.
Vi hentar nye data frå Vigo og oppdaterer informasjonen om lærlingar og lærebedrifter kvar natt.
NAV
Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).
Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.
Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.
Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.
Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.
- 2221106 - GYNEKOLOG
Relaterte lenker
Andre yrke
Ortopediingeniør
Klinisk ernæringsfysiolog
Mikrobiolog
Kiropraktor
Bioingeniør
Geriatar
Radiolog
Lege
Obduksjonsteknikar
Nevrolog
Perfusjonist
