Fotograf

Som fotograf tek du stort sett bilete på vegner av kundar. Du må kommunisera godt med kunden og forstå biletkommunikasjon, slik at du kan skapa visuelle uttrykk som samsvarer med ønska til kunden, anten kundane er privatpersonar, media, offentlege institusjonar eller bedrifter.

Vanlege arbeidsoppgåver for ein fotograf:

• planleggja og gjennomføra fotooppdrag for kundar eller arbeidsgivar (portrett, produkt, reklame, bustad, natur, konsert/arrangement, nyheitshendingar m.m.)
• dialog med oppdragsgivar/redaksjon om behov, bodskap og visuell stil
• val og oppsett av lys, location/bakgrunn og eigna kamerautstyr/optikk
• fotografering i studio og på location, ofte med stramme tidsfristar (presse/arrangement)
• utveljing (culling), redigering og etterbehandling av bilete
• levering i ønskte format og kanalar (trykk, nett, sosiale medium, biletbankar)
• metadata, filstruktur og sikker arkivering/backup
• bevaring/konservering, digitalisering og katalogisering av fotosamlingar(for tilsette i museum/arkiv/institusjon)
• marknadsføring, kundedialog/tilbodsarbeid og grunnleggjande administrasjon (for sjølvstendig næringsdrivande)

Arbeidsoppgåvene og metodane til fotografane varierer ut frå kva oppdrag dei har og kven dei jobbar for. Mange fotografar vel å spesialisera seg innanfor eitt felt, som portrett, mote, pressa, reklame, sport eller natur.

Som fotograf må du ha eit ønske om å skapa bilete som formidlar ein bodskap visuelt og som fungerer i ein viss samanheng. Det er viktig å ha eit eige uttrykk. Du må gjerne tenkja utradisjonelt for å skapa bilete som fangar merksemda. Men det er ikkje nok å vera kreativ. Som fotograf må du også meistra den tekniske sidan ved fotografi, som kamera, lys og etterarbeid.

Du må ha godt farge- og djupnesyn.

Liknande yrke er fotojournalist eller tv-fotograf.