Radiolog

Radiologar er legar med spesialisering innan det medisinske fagfeltet radiologi, som er læra om bruk av ioniserande strålar, lydbølger og elektromagnetiske bølger.

Som radiolog undersøker du organ i heile kroppen og stiller diagnose ved hjelp av bilde som er tatt ved bruk av røntgen, CT, ultralyd, gjennomlysing og MR. I tillegg utførar radiologar vevsprøvetaking og behandling av pasientar med bilettekniske metodar som manøvreringsverktøy. 

Det er radiografane som tek bileta i dei fleste tilfella. Radiologen analyserer og beskriv bileta. Skildringa gir tilbakemelding om diagnose, og råd om vidare utgreiing.

Radiologen analyserer bileta frå heile kroppen, som for eksempel av: 

• lunger
• skjelett, muskulatur og ledd
• urinvegar
• blodårer
• hjerne og ryggmarg 
• mage og tarm
• bryst (mammografi)

Radiologen kan derfor mykje om den normale oppbygningen til kroppsdelane (anatomi) og sykdomslære (patologi). 

Vanlege arbeidsoppgåver for radiologen: 

• undersøke organ i kroppen med bildediagnostiske metodar som røntgen, CT, ultralyd og MR
• analysere bilde, stille diagnose og eventuelt anbefale vidare utgreiing
• behandle pasientar under bilderettleiing med ultralyd, røntgengjennomlysing, CT eller MR, for eksempel for å:
  • ta vevsprøver (biopsi)
  • fjerne betennelsesvæske 
  • stanse blødingar eller
  • opne tette blodårer
• Samarbeide tett med andre radiologar, legar, radiografar og andre yrkesgrupper
• halde seg oppdatert, både medisinsk og teknologisk

Radiologi er eit fag i konstant teknologisk utvikling, og radiologar deltar aktivt i innføring og bruk av programvare for å stille riktig diagnose, inkludert kunstig intelligens og maskinlæring.