Manuellterapeut

Manuellterapeutar er fysioterapeutar med vidareutdanning innan manuellterapi, som er ei masterutdanning innan muskel- og skjellettlidingar. Dei er difor ekspertar på musklar og skjelettsystemet.

Som manuellterapeut jobbar du med å undersøkje og behandle pasientar med smerter, sjukdom eller skade i muskel- og skjelettsystemet. Manuellterapeutar behandlar pasientar i alle aldrar med akutte eller langvarige plagar. 

Behandlinga blir alltid tilpassa behova til den enkelte pasienten og kan bestå av vanlege metodar innan fysioterapien. Disse har gjerne fokus på smertelindring, aktivitetsbaserte tiltak som øvingar og trening, og det å gje pasienten kunnskap og tryggleik til å sjølv kunne handtera plagane. Manuellterapeutane kan også nytte spesialiserte manuelle teknikkar. 

Vidareutdanninga gir også kompetanse som gjer at manuellterapeutane har rettar på linje med legar for pasientar med muskel- og skjelettrelaterte plagar. Disse rettane inneber at manuellterapeutane ved behov kan sjukemelda pasientar, vise vidare til legespesialistar og bestille bildediagnostikk som røntgen eller MR.

Vanlege arbeidsoppgåver for ein manuellterapeut: 

• undersøkje, diagnostisere og vurdera pasienten sin funksjon
• finne optimal behandlings- eller rehabiliteringsplan saman med pasienten
• gje individuell behandling og gruppebehandling
• følgje opp pasientar og dokumentere behandlinga
• gje råd og rettleiing slik at pasienten betre kan meistre eigen situasjon
• syne til eller sjukemelde pasientar når det er behov, og følgje opp sjukemelde arbeidstakarar i dialog med til dømes NAV
• sikre likeverdig behandling av alle pasientar med muskel- og skjelettsrelaterte plagar

Saman med pasienten er målet ofte å vinne att eller halde ved like best mogleg funksjonsnivå slik at pasienten kan meistre og delta i nødvendige og verdsette aktivitetar. Målet til pasienten kan eksempelvis vere å få betre fysisk kapasitet, mindre smertar, økt grad av eigenmeistring eller bli arbeidsdyktig. 

Alle manuellterapeutar har autorisasjon som fysioterapeut. Frå 1. januar 2023 kan fysioterapeutar med denne vidareutdanninga også få autorisasjon som manuellterapeut. Autorisasjonen blir gitt av Helsedirektoratet.