Gjennomgått i samarbeid med Scenario Interiørarkitekter MNIL 14. oktober 2022

Interiørarkitekt

Ein interiørarkitekt planlegg korleis hus og bygningar skal sjå ut innvendig.

Arbeidsoppgaver

Som interiørarkitekt planlegg og teiknar du innvendige rom i bygningar. Arbeidet blir utført både når nye bygg skal byggast, og ved endringar i eldre bygg.

Interiørarkitekten arbeider med alt frå bustadar til helse-, undervisings-, nærings- og kulturbygg. Somme interiørarkitektar driv òg med spesialdesign, det vil seie design av møblar og andre romkomponentar til einskilde prosjekt.

Vanlege arbeidsoppgåver for ein interiørarkitekt:

syte for heilskapleg planlegging og utforming av rom. Det betyr at rom, material, fargar og møblering blir sett i samanheng, og at interiør og arkitektur samspelar så godt som mogleg
prosjektere (teikne, beskrive og berekne) interiørløysingar, som oftast ved hjelp av dataprogram
utføre behovsanalysar og leie brukarmedverknadsprosessar, det vil seie prosessar der brukarane av bygget kjem med ynska sine
utarbeide farge- og materialpalettar
planlegge belysning
velje møblar og tekstilar
gjere kostnadsberekningar, hente inn anbod og bestille leveransar
prosjektleiing

Interiørarkitekten samarbeider med oppdragsgivarar, byggherrar, arkitektar og andre fagfolk.

Interiørarkitektar kan òg jobba med mykje av det same som ein interiørkonsulent, men interiørarkitektar har lengre utdanning og kan ofte ta på seg større oppdrag.

Norske interiørarkitektars og møbeldesigneres landsforeining (NIL) autoriserer interiørarkitektar på masternivå. Med autorisasjon frå NIL kan du kalle deg interiørarkitekt MNIL.

Kor jobbar interiørarkitektar?

Som interiørarkitekt kan du jobbe på eit arkitektkontor, i eit entreprenør-, konsulent- eller byggefirma eller i andre bedrifter. Du kan òg vere sjølvstendig næringsdrivande med eige firma, og bli engasjert for større og mindre oppdrag.

Interiørarkitekt

Therese Eng

Therese har innredet flere tusen hotellrom over hele landet. – Det er fortsatt like gøy og jeg elsker jobben min, sier hun.

Les intervjuet

Viktige egenskaper for en interiørarkitekt

Som interiørarkitekt bør du vere kreativ, ha anlegg for teikning og kunne leggje fram ideane dine på ein god måte. Du må òg vere nøyaktig. Du bør ha auge for både detaljar og heilskap. Sidan du har mykje kontakt med kundar, må du vere lyttande og ha gode samarbeidsevner.

Kva tener interiørarkitektar?

For dette yrket finst det ikkje tilgjengeleg lønnsdata. Les meir om korleis utdanning.no samlar inn lønnsstatistikk.

Korleis utdannar du deg til interiørarkitekt?

Det finst fleire utdanningar innan design, interiørdesign og liknande som kan gi deg den nødvendige kompetansen innan interiørarkitektur. Fleire utdanningsinstitusjonar i Noreg tilbyr utdanning på fagskule-, bachelor- og masternivå. For å bli interiørarkitekt med ansvar for større prosjekt må du ofte ha utdanning på masternivå.

Kva jobbar interiørarkitektutdanna med?

Kilde: Statistisk sentralbyrå 2024. Tall fra november 2023. Forklaring til statistikken

Hvilke utdanninger inngår?

616503 - Bachelor, interiørarkitektur og møbeldesign, treårig
616502 - Høgskolekandidat, interiørarkitektur og møbeldesign, treårig
716502 - Master, design, studieretning interiørarkitektur og møbeldesign, toårig
716906 - Master, design, toårig

Bedrifter: Kor jobbar interiørarkitektar?

Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.

Bedrifter med interiørarkitektar

Kilder: Vigo, NAV

Vigo

Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.

Vi hentar nye data frå Vigo og oppdaterer informasjonen om lærlingar og lærebedrifter kvar natt.

NAV

Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).

Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.

Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.

Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.

Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.

Kva stillingstitlar er med?