Helsefagarbeidar

Ein helsefagarbeidar gir omsorg og hjelp til pasientar og brukarar. Jobben handlar om å gi heilskapleg omsorg, hjelpe med ernæring, grunnleggande sjukepleie og miljøarbeid. Ein helsefagarbeidar gir profesjonell helsehjelp, utfører grunnleggande førstehjelp og sørger for at pasientane er trygge.

Ein helsefagarbeidar har mange ulike arbeidsoppgåver og kontakt med menneske i alle aldrar. Nokon er sjuke. Andre har nedsett funksjonsevne eller skal trene seg opp etter ei ulykke.

Du kan arbeide på ulike stadar: 

• sjukehus
• sjukeheim
• heime hos menneske som treng helsehjelp
• i psykiatrien
• i rusomsorga

Arbeidsoppgåvene varierer ut frå pasienten eller brukarens behov.

Vanlege arbeidsoppgåver for ein helsefagarbeidarar:

• planlegge og gjennomføre grunnleggande sjukepleie for akutt eller kronisk sjuke og menneske med komplekse behov 
• starte førebyggande og behandlande tiltak innan eige ansvarsområde
• bruke elektronisk pasientjournal og dokumentere forhold om pasienten og helsehjelpa dei får
• hjelpe med personleg hygiene, påkledning, forflytting og trening
• bruke velferdsteknologi som tryggleiksalarmar, GPS og elektroniske medisindispensere 
• lage til måltid og vurdere ernæringa til pasienten
• miljørettede tiltak og aktivitetar 
• gi førstehjelp ved behov

Ein helsefagarbeidar bidreg til god folkehelse ved å førebygge einsemd og betre livskvalitet. Du hjelper pasientar og brukarar å meistre kvardagen og legg til rette for at dei skal ha eit aktivt liv.

På dei fleste arbeidsplassane jobbar du turnus. Det betyr at du må jobbe på dag, kveld, natt og nokre helger. 

Yrkestittelen helsefagarbeidar heitte tidlegare hjelpepleiar og omsorgsarbeidar. Helsefagarbeidar er ein beskytta tittel og du må ha autorisasjon frå Helsedirektoratet.