Byggingeniør

Som byggingeniør planlegg og prosjekterer du nye bygg og anlegg. Byggingeniørar jobbar også med å sikre berekraftige og «grøne» løysingar i framtidas bygg.

Byggingeniøren greier ut og planlegg ofte i samarbeid med andre, som til dømes arkitektar og byggherrar. Byggingeniøren har inngåande kunnskapar om til dømes konstruksjonar og materiale som tre, stål og betong – materiale som ofte blir nytta ved bygging av hus og bruer. Byggingeniøren jobbar med praktiske oppgåver og tekniske løysingar med tanke på bygging, helse, miljø og trygging.

Vanlege arbeidsoppgåver for ein byggingeniør:

• planlegge bygg, bruer og vegar
• ta omsyn til fysiske og miljøproblemstillingar ved oppstart av nye prosjekt
• kjenne til ulike typar underlag og om spesielle område eignar seg for utbygging
• kostnadsrekne prosjekt
• teikne konstruksjonar og planteikningar
• inspisere anlegg for å sjekke at alt bli gjort etter planen
• forvaltning, drift og vedlikehald av eksisterande bygg

Det finst mange ulike retningar innan bygg og anlegg, som til dømes landsmåling, arealplanlegging, energi og miljø. 

Byggingeniørar kan utføra landsmåling og arealplanlegging for kommunar og andre utbyggere. Som byggingeniør kan du òg ha ansvar for at teknisk utbygging av vass- og avløpsanlegg fungerer.

Det finst mange ulike retningar innan bygg og anlegg, som for eksempel landmåling, arealplanlegging, energi og miljø. Byggingeniørane kan også utføre landmåling og arealplanlegging for kommunar og andre utbyggarar. Som byggingeniør kan ein også ha ansvar for at teknisk utbygging av vatn- og avløpsanlegg fungerer.