Anestesisjukepleiar
Som anestesisjukepleiar tar du vare på og bedøver pasienten under operasjonar, undersøkingar og akutte situasjonar.
Arbeidsoppgaver
Ein anestesisjukepleiar varetek pasienten sine behov for omsorg og behandling før, under og etter anestesi (bedøving). Anestesi blir gitt i forbindelse med operasjon, undersøkingar og behandlingsprosedyrar og anestesisjukepleiar held ved like grunnleggande livsfunksjonar som pust, blodsirkulasjon og væsketilføring. Anestesisjukepleiaren er derfor den første pasienten møter på operasjonsavdelinga, og den siste som forlèt pasienten ved overføring til oppvakingsavdelinga.
Anestesisjukepleiaren møter pasientar i alle aldrar – frå nyfødde til eldre. Pasientane kan vere heilt friske, men ha behov for ein operasjon, eller dei kan vere kritisk sjuke og trenge operasjon eller behandling for å overleve.
Vanlege oppgåver for ein anestesisjukepleiar er:
- informere pasientar og pårørande før og etter operasjonen
- førebu utstyr og medisinar
- skape tryggleik og vareta pasienten sin integritet i ein sårbar situasjon
- starte, halde ved like og avslutte anestesi (bedøving)
- delta i akutteam på sjukehus ved hjartestans, kritisk sjuke pasientar og traumemottak
- delta utanfor sjukehuset ved akutte hendingar og ved transport
I akutte situasjonar i og utanfor sjukehus må anestesisjukepleiarar kunne vurdere situasjonen sjølvstendig, sette i gang livreddande behandling og ta fagleg grunngitt val. Faget anestesiologi krev solide kunnskapar om mellom anna fysiologi, sjukdomsprosessar og medikament.
På sjukehusa samarbeider anestesisjukepleiarar tett med anestesilege, operasjonssjukepleiar, intensivsjukepleiar, kirurg og andre legar.
Kor jobbar anestesisjukepleiarar?
Som anestesisjukepleiar jobbar du vanlegvis på operasjonsavdelingar på sjukehus, der pasientane har bruk for anestesi (bedøving). Andre arbeidsplassar kan vere på smerteklinikkar, dagkirurgiske einingar, private klinikkar, oppvaknings- og intensivavdelingar og ved akuttmottak. Nokre stadar kan du få jobb i ambulanse- og luftambulansetenesta. Vidare kan du jobbe offshore, til dømes på båtar og oljeplattformer. Du kan òg jobbe med katastrofe- og bistandsarbeid, eller ha leiarjobbar i helsesektoren.
Intervjuer
Anestesisykepleier
Lisa-Mari Øyre
Viktige eigenskapar
Som anestesisjukepleiar må du ha observasjonsevne og handlekraft. Du må vere god til å samarbeide og ha evne til å vise ansvar og omsorg. Du kunne halde deg roleg i kaotiske og akutte situasjonar, og klare å halde fokus på pasienten.
I tillegg må du trivast med å jobbe i eit høgteknologisk miljø.
Lønn
Utdanning
For å bli anestesisjukepleiar må du først bli autorisert sjukepleiar med bachelorgrad. Sjukepleiarutdanninga er treårig, og blir tilbydd ved ei rekke høgskolar og universitet i Norge. Nokre stader er det også mogleg å ta studiet på deltid over fire år. Etter bachelorgraden krevst minimum 2 års praksis som sjukepleiar før du kan begynne på spesialiseringa.
Anestesiutdanning er 1,5 år vidareutdanning på høgskole eller universitet. 30 veker av utdanninga er praksis i anestesiavdeling. Master i anestesisjukepleie er 2-årig og blir tilbydd ved 12 av 13 anestesiutdanningar. Det blir tilbydd utdanningsstilling med minimum 80 prosent lønn ved sjukehusa under utdanning. Du vil da få ei bindingstid på 1-3 år.
Oversikt over vidareutdanning i anestesisjukepleie
Dei vanlegaste jobbane blant sjukepleiarar med vidareutdanning i anestesisjukepleie
- 761109 - Master, klinisk sykepleie, anestesi, toårig
- 661131 - Videreutdanning i sykepleie, anestesi-, barne-, intensiv- og operasjonssykepleie
- 661129 - Videreutdanning i sykepleie, akutt-, anestesi-, barne-, intensiv- og operasjonssykepleie
- 661108 - Videreutdanning i sykepleie, anestesi
- 661103 - Videreutdanning i sykepleie, anestesi-, intensiv- og operasjonssykepleie
Bedrifter som ansetter anestesisjukepleiarar
Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.
Bedrifter med anestesisjukepleiarar
Vigo
Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.
Vi hentar nye data frå Vigo og oppdaterer informasjonen om lærlingar og lærebedrifter kvar natt.
NAV
Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).
Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.
Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.
Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.
Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.
- 2230123 - ANESTESISYKEPLEIER
Andre yrke
Aktivitør
Allmennlege
Ambulansearbeidar
Apotekteknikar
Audiograf
Barnesjukepleiar
Bioingeniør
Biokjemikar
Bioteknolog
Ergoterapeut
Farmasøyt
