Sosiolog

Sosiologar studerer forholdet mellom menneske. Sosiologen sitt arbeid går ut på å undersøke ulike sider av eit samfunn og korleis menneske formar samfunnet rundt seg.

Det finst mange ulike retningar innan sosiologi, og sosiologar spesialiserer seg gjerne innan ei eller fleire retningar.

Nokre retningar innan sosiologi:

• funksjonalisme – korleis handlingar og institusjonar har ein funksjon eller rolle i sosiale samanhengar
• sosialpsykologi – korleis tankar, kjensler og åtferd blir påverka av andre
• økonomisk sosiologi – handlar om økonomi og samfunn
• politisk sosiologi – korleis kultur og andre sosiale strukturar påverkar politikken
• arbeids- og velferdssosiologi
• historisk sosiologi 
• mediesosiologi – handlar om rolla til media i samfunnet og om kva rolle media speler for relasjonar mellom menneske
• rettssosiologi – funksjonen til rettssystemet og utforming i og av samfunnet. 
• kjønnssosiologi – kjønn og samfunn

Sosiologar er som regel ikkje tilsette som sosiologar, men kan arbeide som mellom anna saksbehandlarar, forskarar, prosjektleiarar og anna.

Nokre vanlege arbeidsoppgåver for sosiologar kan vera:

• skriva notat, rapportar og utgreiingar
• samla inn, analysera og tolka statistiske data, og omarbeida dei for offentleg publisering
• analysere korleis politiske avgjerder eller økonomisk utvikling påverkar samfunnet, sosiale relasjonar eller for individet
• formulere og analysera alternative løysingar på samfunnsmessige/sosiale/individuelle utfordringar
• prosjektarbeid og prosjektstyring
• gjennomføre kvalitative undersøkingar, analysar og evalueringar
• undervise studentar og drive forskings- og utviklingsarbeid

Dei sosiologiske forskingsmiljøa står mellom anna bak prosjekt innan norsk samfunnsvitskap, som Kvinneforskingsprogrammet og Levekårsundersøkingane.