Vektar

Som vektar eller tryggleiksmedarbeidar er hovudoppgåva di å sørge for tryggleik, sikkerheit og minske uønska hendingar som ulykker og kriminalitet. 

Vanlege arbeidsoppgåver for vektarar kan vere:

• vakthold av område som store arbeidsplassar, kjøpesenter, museum eller eigedommar og liknande innan både offentleg og privat sektor
• tilsyn og oppfølging av tekniske installasjonar
• respondera på ulike typar alarmar (brann, heis, innbrot, kjøl/frys, overfall)
• betena resepsjonar og utøve tilgangskontroll
• førebygga uønskte hendingar førebygga og handtera konfliktsituasjonar
• ha oppsyn med overvakingsanlegg rapportera avvik og observasjonar
• planlegga og kontrollera HMS-tiltak (helse, miljø og trygging) rettleia publikum

Vektarjobben kan vere stasjonær eller patruljerande.

Stasjonær vektarteneste vil seie at ein vektar arbeider for ein bestemt kunde og har ansvaret for sikkerheita der. Det kan skje gjennom åtgangskontroll, kontrollrundar, overvaking av tekniske anlegg og resepsjonsteneste. Viss vektaren jobbar på til dømes eit kjøpesenter eller ein T-banestasjon, vil han eller ho òg assistere og rettleie tilsette og publikum og bidra til at området er trygt og sikkert for alle.

Patruljerande tenester finn stad mellom fleire kundar og kan til dømes vere mobilteneste på kveld og natt. Da køyrer vektaren mellom kundane og utfører kontrolltenester der.

Vektarar kan og jobbe med verditransport, telje pengar i pengesentralar og liknande. 

Som vekter kan du òg jobbe i trafikken ved å dirigere trafikk ved asfaltering på vegen eller køyre leiarbil. Du kan òg vere vaktmannskap på til dømes utestadar, idretts- eller konsertarrangement.