Redaktør

Redaktøren har ansvaret for alt innhald som blir publisert i mediet, også annonsane. Redaktøren kan delegera makta si til andre når det gjeld praktisk utføring av jobben, men kan aldri delegera det overordna ansvaret for innhaldet i mediet. 

Som redaktør er du bindeleddet mellom utgivaren, representert ved styret i mediebedrifta, og dei redaksjonelle medarbeidarane. Ingen andre enn redaktøren kan instruera redaksjonen.

Fridommen og ansvaret til redaktøren er frå 2020 regulert i ei eiga medieansvarslov, som gjeld for redaktørstyrte nyheits- og aktualitetsmedium.

Dei fleste redaktørstyrte medium har nokre føresegner om noko som formål mediet skal ha. Det er vanlegvis sett av utgivaren og redaktøren er forplikta til følgje det. Innanfor denne ramma, og resten av rammeverket utgivar trekkjer opp, leier redaktøren redaksjonen og bestemmer daglege prioriteringar og val av innhald. Redaktøren har også full fridom til å forma meiningane til mediet. Utgivar, eigar eller annan selskapsleiing kan ikkje instruera eller overprøva redaktøren i redaksjonelle spørsmål. 

Ein redaktør bør ha breie samfunnskunnskapar og også kunnskap om administrasjon og økonomi.

Vanlege arbeidsoppgåver for redaktørar: 

• leia det redaksjonelle arbeidet 
• utvikla strategiar og mål for mediet
• ansvar for personalet i redaksjonen
• rapportera til styret i mediet
• i nokre tilfelle skal du også styra økonomien

I dei fleste seriøse, journalistiske medium utfører redaktøren sitt oppdrag med utgangspunkt i Redaktørplakaten. Plakaten handlar om pliktene og ansvara til redaktøren, og er ein avtale mellom Norsk Redaktørforening og Mediebedriftenes Landsforening (altså eigarane). 

Redaktørar kan ha ulike stillingsnemningar og ansvarsområde.

Ein sjefredaktør og ansvarleg redaktør er det same. Då er du øvste sjef og har det endelege ansvaret for det som blir publisert. Det er også mange underordna redaktørar til dømes nyheitsredaktør, sportsredaktør, kulturredaktør, politisk redaktør, administrativ redaktør eller utviklingsredaktør. Dei har alle ansvar for sine eigne område. 

Forlag kan også ha eigne forlagsredaktørar. Dei vel ut kva bøker forlaga skal gi ut. Dei les mykje manus og rettleier forfattarane i arbeidet mot ein publikasjon og marknadsføring av boka

Det er også vanleg at nettstader har eigen  ansvarleg redaktør, eller dei kan ha titlar som webredaktør eller nettredaktør.

Redaktør er ikkje ein beskytta tittel.