Interaksjonsdesignar

Interaksjonsdesignaren jobbar med å gjera tekniske system gode og effektive å bruka. Det kan vera alt frå nettbutikkar og apper, til avanserte verktøy for dataanalyse. Eller det kan vera problemstillingar som: korleis gjera det enkelt å lada ein elbil? korleis raskt redigera eit bilde? korleis gjera det enklare å finna ein ny jobb? korleis administrera byggesøknader meir effektivt?

Tidlegare fokuserte interaksjonsdesignarar mest på å gjera store datasystem meir brukarvennlege. I dag har interaksjonsdesignaren ein finger med i spelet på alt frå korleis du bestiller ei reise, kjøper noko på nett eller bruker mobilen.

Interaksjonsdesignarar kartlegg behova til brukarane og måla til verksemda. Dei set seg inn i dei tekniske moglegheitene og kva avgrensninger dei må jobba innanfor. Dei samarbeider òg tett med ekspertar på brukarinnsikt, teknologi og forretning, for å kunna laga eit konsept som fungerer for dei som skal bruka det.

Vanlege arbeidsoppgåver for interaksjonsdesignarar kan vera:

• kartlegga behovet til brukarane
• kartlegga korleis folk løyser oppgåvene sine i dag, og korleis dette kan forbetrast forstå målet til bedrifta, og forstå der det finst moglegheiter
• forstå moglegheitene og avgrensingane til teknologien
• forma ut og testa konsept for bruk av system
• sørga for at krav til tilgjengelegheit (universell utforming) blir følgt
• bygga prototypar og testa dei med ekte brukarar
• produsera detaljert design, ofte i tett samarbeid med teknologar og grafiske designarar
• vera med og kvalitetssikre det som blir laga gjennom heile utviklingsprosessen

Interaksjonsdesigner er ikkje ein beskytta tittel og rolla som interaksjonsdesignar overlappar til dels med rolla som tenestedesignar, grafisk designar, forretningsutviklar, teknisk arkitekt, frontendutvikler (webdesigner) og produkteigar.