Guide

Ordet guide kjem frå fransk og betyr «vegvisar». Ein guide leier omvisningar og turar. Guiden er ein formidlar av kunnskap om byen, bygda, severdigheter, museum, institusjonar, i naturen til fjells, skogs eller til vanns, og liknande stader kvar besøkande ferdast.

Vanlege arbeidsoppgåver:

• leia omvisningar eller turar
• ta imot gjester og ønske dei velkommen
• gi råd og tilrådingar til gjester
• fortelja og halda foredrag 

Jobben som guide blir ofte påverka av sesongane. Som guide kan du visa turistane rundt i buss, i båt, til fots eller med sykkel. En guide har ofte meir spesialkunnskap om ein stad enn ein reiseleiar, som hovudsakleg følgjer med turistane på ulike stader.

Ein guide kan ha eit museum, ei kyrkje eller ei verksemd som sitt spesialfelt. Lokalguidar presenterer reisemålet for gjestene ved å ta dei med til dei severdigheter som finst på staden.

Du kan òg jobba som naturguide, og til dømes ta med gjester på vandringer i naturen eller for å oppsøka viktige naturtypar eller leveområder for plantar og dyr. Det kan vera på fjellet, langs strender eller i sjøen. Dette krev spesialkunnskap og erfaring for å kunna vurdera risikoen og vareta trygginga. Du må like å vera ute i all slags vêr.

Guidar kan òg leia fjellturistar på krevjande fjellturar, dette krev svært spesialisert opplæring og trening. Det kan til dømes vera snakk om tindeveiledere. Dei er ekspertar på klatring, brevandring, fjellskigåing, bratt skikøyring og skredvurdering. Det er i tillegg guidar som er spesielt opplærte for å kunna leia fotturar i fjellområde. Desse guidane har både god lokalkunnskap og planlegg turane etter ønska og kapasiteten til deltakarane.

Andre arbeidsområde er rafting, kvalsafari, nordlysguiding og andre utandørsopplevingar som eks. hundespannkøyring eller ridning.

Som guide blir det kravd at du har brei kunnskap om det fagfeltet eller området du skal guida i. I tillegg må guiden ha gode språkkunnskapar og ofte meistrar fleire fremmedspråk. Du må kunna organisera og ha evne til å omgåast og vareta gjestene på ein god måte.

Guidejobbing i Noreg er sesongbetont, og må som regel blir kombinert med anna arbeid. Lokale guidar i byar og ved turistdestinasjonar har ofte bakgrunn frå jobbar innanfor reiseliv, frå undervisning eller frå andre yrke der det er utstrekt kontakt og samarbeid med andre. Mange guidar har i tillegg bakgrunn frå studiar innanfor historie, kunst og kultur. Norske guidar blir ofte kjenneteikna av høg fagleg kompetanse kombinert med stor forteljarlyst om det lokale området sitt.