Arkitekt

Som arkitekt har du mange ulike arbeidsoppgåver. Dette kan vera alt frå planlegging og teikning av små og store bygningar inkludert tilbygg og interiør, til byplanlegging og stadsutvikling. Du vil også arbeida med å forma ut landskap og strukturar i store transportanlegg. Arkitektar kan også planleggja korleis ei tomt kan byggjast ut eller kva eit område kan innehalda. Dette er også noko landskapsarkitektar jobbar med og arbeidsoppgåvene er derfor overlappande.

Du vil også kunna vera med å skapa berekraftige og gode løysingar som svarer på vår tids utfordringar. Dette kan knytast til val av materiale, energiløysingar, der ein byggjer og korleis byggja for berekraftige måtar å leva på. Derfor er arkitekten også ein samfunnsutviklar. Styrken til arkitekten er evna til å analysera, skapa visjonar og omsetja menneskelege behov til haldbare, vakre og funksjonelle løysingar. For å skapa god og variert arkitektur, er det behov for arkitektar med ulik erfaringsbakgrunn.

Vanlege arbeidsoppgåver for arkitekten:

• planleggje, utvikle og designe nye bygningar og konstruksjonar
• restaurere og transformere eksisterande bygningar
• planleggje, utvikle og forme byområde, bustadstrøk og landskap

Arkitekten held på med planlegging av bygningar, byggeteknikk, utsjånad, og samfunnsplanlegging. Det er viktig å kunne kombinere alt dette under utvikling og bygging av nye bygnader og anlegg. 

Som arkitekt må du og ta stilling til utfordringar samfunnet har, som for eksempel klimaendringar, migrasjon og økonomiske svingingar. Dette krev at du både er kritisk og finn løysingar.

Arkitektar med sivilarkitekteksamen eller mastergrad i arkitektur kan bli medlem av Norske arkitekters landsforbund og Arkitektenes Fagforbund.