Klesdesignar

Ein klesdesignar kan designe både kvardagsplagg, festantrekk, arbeidsklede og treningstøy. Ein treng derfor mange ulike typar klesdesignarar.

I mange samanhengar er det viktig å lage med visse eigenskapar og praktiske løysingar tilpassa eit særskilt formål som for eksempel arbeids- og turklede. I andre samanhengar skal kleda vere stilrette og i tråd med trendar eller motar.

Trendar definerer gjerne kva som sel, og ein klesdesignar må vere oppdatert på trendane for å kunne produsere eit design som sel godt.  Som klesdesignar kan du òg vere med på å lage nye klesmotar og skape nye trendar.

Nokre gonger er det klesdesignaren sjølv som definerer kva krav plagga skal oppfylle og som prøver ut nye løysingar på eiga hand. Andre gonger samarbeider designaren tett med andre fagfolk eller oppdragsgjevarar. Kleda kan bli utforma for industriell eller handverksbasert produksjon.

Stillingsnemningane moteskapar, motedesignar, moteteiknar og kostymedesignar vert òg nytta om ein som designar klede.