Teknisk forfattar
Tekniske forfattarar utarbeider bruksrettleiingar, handbøker, installasjonsrettleiing, katalogar og tekniske rapportar.
Arbeidsoppgaver
Ein teknisk forfattar, også kalla dokumentar eller informasjonsutviklar, jobbar med å gjere vitskapeleg og teknisk informasjon forståeleg.
Vanlege arbeidsoppgåver for ein teknisk forfattar:
- skrive og utarbeide brukarrettleiingar, handbøker, katalogar, instruksjonsbøker, videoproduksjonar, nettbaserte hjelpefiler og kursmateriale
- omsette eksisterande materiale
- korrekturlese arbeid
- teste programvare
- halde ved like lister over fagterminologi
- planlegge og redigere tekniske rapportar, og legg til rette for bruk av illustrasjonar, bilete og andre nødvendige element
Jobben til ein teknisk forfattar er å presentera vanskeleg og avansert informasjon på ein lettfatteleg og forståeleg måte. Både ekspertar innan fagområdet og personar med lite forkunnskapar, skal kunna lesa og forstå informasjonen.
Tekniske forfattarar kan jobba innanfor ei rekkje ulike felt. Mange produksjonsbedrifter har behov for tekniske forfattarar til å laga bruksrettleiingar. Eksempelvis for å setja saman hyllar, senger og liknande. Andre tekniske forfattarar kan til dømes jobba med å laga brukarhandbøker for IT-programvare. I alle tilfelle er det viktig med nøyaktigheit og forståing for behovet til brukarane.
Med stadig utvikling av ny teknologi og nye produkt er behovet for tekniske forfattarar stort.
Kor jobbar tekniske forfattarar?
Tekniske forfattarar jobbar anten i bedrifter som leverer fysiske produkt eller programvare, eller i firma som sel dokumentasjonstenester. Arbeidsstaden kan vera på eige kontor, eller ute på arbeidsplassen til dei du dokumenterer for. Du jobbar ofte som ein del av eit team.
Det er også mogleg å jobba frilans. Mange bedrifter har ikkje tilsett eigne tekniske forfattarar, men leiger dei inn, anten som frilansarar, eller gjennom firma som tilbyr dokumentasjonstenester.
Korleis er det å jobbe som teknisk forfattar?
Teknisk forfatter
Una Kaspara Lier
Teknisk forfatter
Mathias Moe
Viktige egenskaper for en teknisk forfattar
Som teknisk forfattar må du kunna kommunisera informasjon på ein presis og logisk måte. Nysgjerrigheit, kreativitet og god allmennkunnskap kjem godt med. Du bør ha høg kompetanse innanfor det fagområdet du skriv om, eller eventuelt god evne til å setja deg inn i nye fagområde. Det er viktig å kunna formidla informasjon enkelt og lettfatteleg.
Du bør også like å jobba saman med andre menneske, sidan mykje av jobben består i å samla inn informasjon frå fagekspertar.
Mykje teknisk dokumentasjon blir skriven på engelsk, så gode engelskferdigheiter er viktig. Du bør også ha gode digitale ferdigheiter og ha lyst og evne til å setja deg inn i ny teknologi eller emnar du skal skriva om.
Korleis utdannar du deg til teknisk forfattar?
Det finst inga utdanning innan teknisk kommunikasjon i Noreg. Mange andre land tilbyr derimot denne utdanninga.
I Noreg kan det vere verdt å vurdere ei utdanning innanfor til dømes kommunikasjon, journalistikk eller språk. Det er også svært viktig å ha høg kompetanse innan spesialfelt, noko du får ved å ta ei fag innan ingeniørfag eller IT. Mange tekniske forfattarar har utdanning innan enten kommunikasjon eller ingeniørfag, attpå ei stor interesse for, eller også utdanning i, det andre faget.
Etter- og vidareutdanning
Ei kvar form for kompetanseutvikling er nyttig for tekniske forfattarar. Kurs og tilbod om vidareutdanning kan derfor vere av interesse.
Bedrifter: Kor jobbar tekniske forfattarar?
Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.
Bedrifter med tekniske forfattarar
Vigo
Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.
Vi hentar nye data frå Vigo og oppdaterer informasjonen om lærlingar og lærebedrifter kvar natt.
NAV
Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).
Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.
Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.
Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.
Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.
- 3491129 - TEKNISK FORFATTER
Andre yrke
Art director
Bibliotekar
Biokjemikar
Biolog
Bioteknolog
Brønnoperatør
Brønnoperatør havbotnsinstallasjonar
Brønnoperatør komplettering
CNC-maskineringsoperatør
Dataelektronikar
Diplomat
