Prest

Prest er tittelen på ein person som leiar dei kirkelege ritual og handlingar i ei kyrkje. I Noreg jobbar prestar flest i Den norske kyrkja. Mange andre trussamfunn bruker gjerne tittelen pastor i staden for prest.

Vanlege arbeidsoppgåver for ein prest:

• førebu og halde gudstenester
• samarbeid i stab
• kyrkjelege handlingar som viing, konfirmasjon, dåp og gravferd
• samtaler med menneske som skal gifte seg, døype barna sine eller ha konfirmantførebuing
• ha tillitsfulle samtaler/sjelesorg med menneske i ulike livssituasjonar
• administrative oppgåver/kontorarbeid og møte i forskjellige råd og utval

Menighetsprestene i Den norske kyrkje har stillingsbetegnelsene sokneprest, kapellan og prostiprest.

Soknepresten leier kyrkjetenestene i eit sokn eller i ein kyrkjelyd, og har ofte plass i kyrkjelydsrådet. Ein sokneprest tilsettast av bispedømmerådet. Dei andre prestane i kyrkjelyden, som er administrativt underlagt soknepresten, kallast oftast kapellan. Soknepresten er fagleg ansvarleg i meinigheita, og ansvarleg for fagstaben.

Institusjonsprestar er prestar som jobbar på institusjonar, til dømes på sjukehus eller i fengsel, og har varierte oppgåver etter behov. Sjelesorg for brukarar, pårørande og tilsette er ein viktig del av jobben. Dei held også gudstenester og kyrkjelege handlingar. Presten er ekspert på sorgarbeid og krisehandtering. Dei jobbar også i team med andre tilsette på institusjonane.

Andre stillingsnemningar innanfor presteyrket er sjømannsprest, misjonsprest og studentprest. Som prest arbeider du saman med andre i kyrkja, til dømes kateket, meinigheitspedagog og kantor. Prestar i Den norske kyrkja blir ordinert til presteteneste av ein biskop.