Nynorsk

Gjennomgått i samarbeid med Nasjonalt fagråd for maritime fagskoler 13. desember 2023

Maskinist

Som maskinist har du ansvar for drift og vedlikehald av teknisk utstyr og maskiner om bord på skip og plattformer.

Arbeidsoppgaver

Om bord på eit skip kan det vera fleire i maskinbesetninga. Dette varierer etter kvar stort maskineriet er. På større fartøy er det både 1. maskinist og 2. maskinistar. Fellesnemninga for dei som jobbar som maskinist eller maskinsjef er maskinoffiser.

Som maskinist har du moglegheit å jobba på skip, plattform eller på landsanlegg der det er behov for tilsette med maskinistutdanning. Som 1. maskinist er du maskinsjefens nestkommanderande om bord, og jobbar i maskinrommet med å halda maskineriet i god teknisk stand.

Vanlege arbeidsoppgåver for maskinistar

dagleg ansvar for drift, reparasjon, overhaling og vedlikehald av maskineri og tekniske system på heile fartøyet
planlegga større og mindre vedlikehaldsarbeid
vakthald i kontrollrom
hovudansvar for trygginga i maskinrommet
bunkring (fylla drivstoff)
opplæring av nye i maskinbesetninga

I dette yrket må du vera førebudd på å arbeida turnus og kanskje vera lengre periodar om bord, til dømes fire veker om bord, fire veker fri.

Alle som skal jobba på skip, og andre flyttbar innretningar til havs, må ha ei helsefråsegn som viser at du kan jobba om bord på eit skip. Då skal ein sjømannslege sjekka mellom anna syn, høyrsle, den fysiske funksjonsevna di. Dette gjeld òg lærlingar som skal jobba om bord.

Kor jobbar maskinistar?

Maskinisten arbeider om bord på skip eller offshore. Som maskinist kan du òg jobbe på land, i reiarlag, offentleg sjøfortvalting eller maritime bedrifter som til dømes Veritas. Eit maskinistsertifikat gir deg mogelegheiter til å jobbe over heile verda.

Dame med svart genser og lyst hår. Svart stol i bakgrunnen og beige vegg. Hun er på en båt.

Maskinist

Linda Marielle Johansen

– Som maskinist må du være ansvarsbevisst, løsningsorientert og tørre å prøve, sier Linda Marielle.

Les intervjuet

Maskinist/maskinoffiser

Anders Aasmundsen

Som maskinist i Kystverket gjør Anders både tekniske oppgaver på båten, og vedlikeholdsarbeid langs kysten.

Les intervjuet

Viktige egenskaper for en maskinist

Som maskinist er det viktig å vere teknisk interessert og ha lett for å skjøne korleis maskiner fungerer. Du må vere serviceinnstilt og like å arbeide tett med andre menneske. For å trivast i jobben er det òg ein fordel å like å vere på havet.

Kva tener maskinistar?

Korleis utdannar du deg til maskinist?

Du kan først ta fagbrev og ferdigheitssertifikat som motormann ved å ta vidaregåande utdanning med to år lære i bedrift. Deretter kan du ta ein toårig grad i maskinteknisk drift ved ein teknisk fagskole. Etterpå må du ha seilingstid som maskinkadett og få opplæring fram til første sertifikat som maskinist.

Fartstid som krevst for å få sertifikat:

seks månader effektiv fartstid (tid om bord på båt) med opplæring om du har fagbrev som motormann
tolv månader effektiv fartstid med opplæring om du ikkje har fagbrev som motormann
ein månad effektiv fartstid om du har 36 månader fartstid som motormann før du begynner på utdanninga

Som maskinist må du ha bestått helseattest, og ha godt fargesyn og god høyrsle.

Kva for ei utdanning er vanlegast for maskinistar?

Kva jobbar maskinistutdanna med?

Hvilke utdanninger inngår?

681308 - Høgskolekandidat, marinteknisk drift, treårig.
655215 - Bachelor, ingeniørfag, marinteknisk drift, treårig
655214 - Bachelor, marinteknisk drift, treårig
655205 - Høgskoleingeniørutdanning, maskin, treårig.
581305 - Teknisk fagskole, linje for maritime fag og fiskerifag, toårig.
555220 - Fagskoleutdanning, maskinoffiser på ledelsesnivå, toårig
555217 - Fagskoleutdanning, maskinoffiser på ledelsesnivå
555213 - Fagskoleutdanning, skipsteknisk drift
555202 - Maritime maskinistfag, påbygging til videregående utdanning
555201 - Enemaskinistkurs
455225 - Maskinarbeiderfaget, VK II
455224 - Maritime maskinistfag, videregående, avsluttende utdanning

Bedrifter: Kor jobbar maskinistar?

Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.

Bedrifter med maskinistar

Kilder: Vigo, NAV

Vigo

Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.

Vi hentar nye data frå Vigo og oppdaterer informasjonen om lærlingar og lærebedrifter kvar natt.

NAV

Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).

Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.

Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.

Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.

Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.

Kva stillingstitlar er med?