Kokk

Kokkar lagar mat og gjer den klar for servering.

Vanlege arbeidsoppgåver for ein kokk:

• planlegga innkjøp og berekna pris
• behandla råvarer
• vere med på konseptutvikling og planlegging av menyar
• vask og reinhald av kjøkken
• kunde- og brukarkontakt

I det daglege arbeidet må kokkane ofte setja opp meny og planlegga innkjøp. Jobbar du i eit stort kjøkken vil du gjerne ha ein kjøkkensjef som leiar arbeidde og har ansvar for innkjøp og planlegging. Ved mindre kjøkken gjer kokken dette sjølv. 

Nokre stader vil kvar kokk ha ansvar for ein spesiell del av matproduksjonen, til dømes å steika kjøtt, koka sausar og suppe, laga grønsaker eller laga dessertar. Ved større kjøkken er det ofte fleire avdelingar, og arbeidet blir fordelt mellom kokkar og assistentar. Ein kokk må kunna litt av alt, og allsidigheit er derfor viktig. 

Sjølv om kokken samarbeider med servitøren, er kokken ofte å sjå i serveringlokalane, ute blant gjestene eller brukarane. Kommunikasjon direkte med gjestene er viktig.

Som kokk må du ha god kunnskap om råvarer, behandling av råvarer og tilberedningsteknikker. Næringsinnhald, mattrygging, allergiar og intoleransar, forskjellige kulturar og religionar, og regelverk innanfor hygiene og HMS er òg tema du må vita mykje om. 

Som kokk må du rekna med å jobba turnus. Det inneber arbeid på kveldstid, i helgane og på heilagdagar. Det finst òg mange arbeidsplassar som har arbeidstid berre på dagtid og frå måndag til fredag. 

Det er vanleg å skilje mellom yrkesbetekningane ernæringskokk (tidlegare institusjonskokk) og kokk. Ernæringskokkane har spesialkompetanse innan diett og ernæring og arbeider ved institusjonskjøkken, til dømes i fengsel, på sjukehus eller sjukeheim.