Fengselsbetjent
Arbeidsoppgaver
Ein fengselsbetjent skal motverka nye straffbare handlingar gjennom å gjera opphaldet i fengselet meiningsfullt, bevisstgjerande og rehabiliterande for den innsette.
Som fengselsbetjent skal du balansera det å utøva makt og vise omsorg. Du har ansvaret for tryggleiken til innsette og domfelte, som går gjennom ulike former for straff. Du bidreg også til å sikra eit trygt arbeidsmiljø for kollegaer og samarbeidspartnarar.
Ein fengselsbetjent skal bidra til at den innsette sjølv kan ta ansvar for sitt eige liv og gjera ein eigen innsats for å endra det kriminelle handlingsmønsteret sitt.
Vanlege arbeidsoppgåver for ein fengselsbetjent:
- rettleia, motivera og samtala med dei innsette
- leggja til rette for ein meiningsfylt kvardag for dei innsette
- vareta tryggleiken i fengselet
- organisera og delta i aktivitetar og sosiale arrangement
Fengselsbetjenten møter mange ulike typar menneske. Nokon har gjort seg skuldig i alvorlege kriminelle handlingar, medan andre slit med psykiske problem eller åtferdsvanskar av ulik art. Du må dermed vera førebudd på arbeidsdagar der tryggleik, grensesetjing og konfliktløysing står sentralt.
Jobben som fengselsbetjent stiller store krav til personlege eigenskapar og modnad, og inneber styresmaktsutøving og makt over menneske i ein vanskeleg situasjon. Samtidig krevst det grunnleggjande gode haldningar og verdiar, og trua på at menneske kan forandra handlingsmønsteret sitt. I dette yrket er det vanleg å jobba turnus.
Kor jobbar fengselsbetjentar?
Dei fleste fengselsbetjentar jobbar i fengsel. I Noreg har me fengslar med høgt og lågt tryggingsnivå. Fengselsbetjentar jobbar også i friomsorga med elektronisk kontroll (fotlenkjesoning) og i overgangsbustader.
Korleis er det å jobbe som fengselsbetjent?
Fengselsbetjent
Jakob
Fengselsbetjent
Julie Grønvold Gunneng
Viktige egenskaper for en fengselsbetjent
Som fengselsbetjent må du vera ansvarsmedviten og kunne jobba sjølvstendig. Du må ha gode kommunikasjons- og samarbeidsevner. Du må kunna setja grenser og kunne handtera krisesituasjonar, truslar og fysisk risiko.
Kva tener fengselsbetjentar?
Korleis utdannar du deg til fengselsbetjent?
Høgskulen og utdanningssenteret for kriminalomsorga (KRUS) utdannar fengselsbetjentar i Noreg. Ein kan ta utdanninga på heiltid eller deltid, og begge utdanningane er lønte.
På heiltid tek ein utdanninga på to år, og deretter er ein forplikta til eitt års teneste ved eit eller fleire fengsel etter enda utdanning. Første og fjerde semester blir gjennomført ved KRUS i Lillestrøm, medan andre og tredje semester blir gjennomført ved eit av dei godkjende opplæringsfengsla våre. Les meir om heiltidsutdanninga her.
På deltid tek ein ei nett- og samlingsbasert utdanning på tre år, der ein samtidig jobbar i eit av dei godkjende opplæringsfengsla våre. Les meir om deltidsutdanninga her.
Søknadsfristen for opptak til heiltids- og deltidsutdanninga blir kunngjord på Kriminamomsorgens høgskolen og utdanningssenteret KRUS sine nettsider (krus.no).
Opptakskrav
Det finst ei rekkje opptakskrav for å bli teke opp som aspirant, og det er same opptakskrav på heiltids- og deltidsutdanninga:
- Generell studiekompetanse eller tilsvarande
- Vandel det ikkje er noko å utsetja på, jf. straffegjennomføringslova § 8
- Du må vera 20 år eller eldre for å søkja på utdanninga. Det betyr at du kan søkja på utdanninga i løpet av det året du fyller 20 år
- Førerkort klasse B
- Helse i tråd med medisinske krav fastsett av KRUS
- Tilfredsstillende fysikk, under dette bestå ein fysisk funksjonstest fastsett av KRUS
- Personlige eigenskapar som gjer søkjaren kvalifiserte for teneste i kriminalomsorga
Dei som har utdanning for yrket jobbar som?
- 682201 - Høgskolekandidat, fengselsbetjentutdanning, toårig
- 682299 - Fengselsfag, uspesifiserte, lavere nivå
Bedrifter: Kor jobbar fengselsbetjentar?
Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.
Bedrifter med fengselsbetjentar
Vigo
Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.
Vi hentar nye data frå Vigo og oppdaterer informasjonen om lærlingar og lærebedrifter kvar natt.
NAV
Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).
Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.
Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.
Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.
Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.
- 5162103 - FENGSELSBETJENT
- 5162104 - FENGSELSFØRSTEBETJENT
- 5162107 - FENGSELSNATTEVAKT
- 5162101 - FENGSELSASPIRANT
- 1227243 - FENGSELSINSPEKTØR
- 1210180 - FENGSELSDIREKTØR
Andre yrke
Jurist
Politi
Politibetjent
Politijurist
Kriminolog
Barnevernspedagog
Pedagog
Obduksjonsteknikar
Klinisk sosionom
Vektar
Meklar
