Gjennomgått i samarbeid med Norsk Astronautisk Forening 28. oktober 2024

Astronaut

Ein astronaut er ein person som er utdanna til å manøvrere eller arbeide om bord i eit romfartøy.

Arbeidsoppgaver

Astronauten klargjer seg for å fare ut i verdsrommet, og trenar og arbeider i simulator. Det er ikkje så ofte astronautar får reise ut i rommet.

Nokre astronautar navigerer og fører fartøyet, medan andre tar seg av lasten, reparerer utstyr og eksperimenterer. Det finst med andre ord to typar astronautar: pilotar og ferdsspesialistar. Ferdsspesialistane kan ha ulik bakgrunn, avhengig av kva for oppgåver dei skal utføre.

Som astronaut risikerer du ulukker under oppskyting og tilbakeferda, og under opphaldet i rommet kan du bli utsett for mange farar.

Strengt tatt blir du ikkje astronaut før du blir sendt ut i verdsrommet. Som astronaut må du vere tolmodig. Det kan ta lang tid frå du blir valt ut til å bli med på ein romferd, til du faktisk får fly. Hittil er det ingen nordmenn som arbeider som astronaut.

Kor jobbar astronauter?

Dei som blir astronautar arbeider ved ulike romsenter, som for eksempel European Space Agency (ESA) og NASA. Eit fåtal astronautar jobbar på den internasjonale romstasjonen i verdsrommet (ISS). Talet på astronautar som jobbar på den internasjonale stasjonen varierer.

Astronaut

Andreas Mogensen (Danmark)

Andreas Mogensen har, som en av svært få mennesker på jorda, lagt ut på en utrolig krevende reise som en dag skal ta ham ut i verdensrommet.

Les intervjuet

Viktige egenskaper for en astronaut

Ein astronaut må vere i svært god fysisk form. Det er ein føresetnad at ein kan arbeide konsentrert, fokusert og oppofrande med alle arbeidsoppgåvene som inngår i jobben.

Astronautar arbeider i team og derfor må du ha gode kommunikasjons- og samarbeidseigenskapar, i tillegg til gode språkkunnskapar. Du må ha evna til å halde deg rolig i stressande situasjonar.

Korleis utdannar du deg til astronaut?

Dersom du ynskjer å manøvrere romfartøy, må du ha pilotutdanning.

Ferdsspesialistar er som regel forskarar eller ingeniørar. Dei har ofte ei master- eller doktorgrad innan medisin, fysikk, kjemi, geofysikk, biologi, biokjemi, materialteknologi, reguleringsteknikk eller IKT. Mange universitet og høgskolar i Noreg tilbyr desse utdanningane. I tillegg må astronauten ha arbeidserfaring i fagfeltet du er utdanna i.

European Space Agency har eit astronautsenter i Köln i Tyskland. Dei utdannar europeiske astronautar som har komme gjennom nålauga for opptak.

Opptakskrav
Opptakskrava for astronaututdanninga er svært krevjande, både fysisk og psykisk. Høg kompetanse innan naturvitskaplege fag står sentralt, i tillegg til at syn, høyrsle og andre helserelaterte eigenskapar må vere nærmast perfekt.