Høgskulen tilbyr ei rekkje bachelorgrader, årsstudium og vidareutdanningar. I tillegg har høgskulen seks mastergrader: Kulturmøte, Sosial- og helsefag; Meistring og myndiggjering, Nynorsk skriftkultur, Samfunnsplanlegging og leiing, Dokumentar og Journalistikk og Undervisning og læring.

Høgskulen i Volda byggjer FoU-aktiviteten på ei brei humanistisk og samfunnsfagleg felles plattform. Den regionale og nasjonale forskingsprofilen vært utvikla vidare på dette grunnlaget. Høgskulen er medeigar i Møreforsking AS, og har inngått ein eigen samarbeidsavtale om korleis operativt forskings- og prosjektsamarbeid skal gjennomførast.
 

Som den største kompetanseleverandøren i regionen tilbyr Høgskulen i Volda ei rekkje deltidsstudium med ulike organiseringar. Bedrifter, kommunar, barnehagar, skular o.a. kan gjennom Kontor for etter- og vidareutdanning, bestille kurs og utdanningsløp spesielt tilpassa oppdragsgjevaren.