Voss folkehøgskule

Skulen har linjer og varierte valfag som spring ut av ekstremsport- og kulturbygda Voss. Her får du både utfordring og meistring i eit inkluderande fellesskap, berre ein gåtur unna Voss Resort. Bli den du vil vera - velkommen til (V)oss!

Voss folkehøgskule er den perfekte plassen for deg som ynskjer å skapa minner for livet. Skulen ligg midt i hjarta av Voss, ein fantastisk plass for ekstremsport og kultur. Omkransa av flotte fjell og med Vangsvatnet som bakgrunn.

Lett å nå, vanskeleg å reise ifrå

Bergensbana går rett gjennom Voss, så du kan ta toget rett hit frå både Oslo og Bergen. Frå stasjonen er det berre eit kvarter å gå til skulen, og like i nærleiken ligg eit sentrum med overraskande gode butikkar og cafear.

Her på Voss folkehøgskule er heile bygda vårt klasserom! Voss har unike fasilitetar for kunst, kultur, ekstremsport og friluftsliv. Som elev får du prøve kroppsflyging i vindtunnelen, og du får årskort til både Voss Gondol og Voss Resort, som ligg i gangavstand til skulen. Dette gjev deg enkel tilgang til fjell, natur, skianlegg og puddersnø!

Voss folkehøgskule er for deg som er 18 år eller eldre og vil utvikle deg både fagleg og personleg. Skulen er open og inkluderande, alle blir møtte med respekt og toleranse.

Her kan du utforske spanande fag med høg kvalitet, samtidig som du vert ein del av eit godt fellesskap og får vener for livet.

Dei mange valfaga gjer kvardagen variert og interessant, og du får sjansen til å lære meir om både deg sjølv og verda rundt deg. Dette hjelper deg med å finne di eiga retning i livet og samfunnet.