Fakta
- Alle (primær)
- Alle (ordinær)
Informasjon er oppdatert av Høgskulen på Vestlandet
20. april 2024.
Om studiet
Kvifor studere informasjonsteknologi?
Digitaliseringa i samfunnet skjer i rekordfart og behovet for arbeidskraft innan datateknologi er stort. Med ei IT-utdanning kan du vere med på å utvikle og digitalisere framtida, og med ein bachelor i informasjonsteknologi er arbeidsmoglegheitene mange.
Datasystem blir brukt på dei fleste område, for eksempel i helse og omsorg, finans og media, handel og energiforsyning. Med ei IT-utdanning vil du ofte jobbe i tverrfaglege prosjekt saman med andre fagfolk.
Gjennom studiet i informasjonsteknologi lærer du om korleis datamaskiner fungerer. Du lærer å programmere og å utvikle programvare til alt frå enkle appar til store IT-system. Ei rekkje tema knytt til konstruksjon og drift av IT-system er også ein viktig del av studiet.
Du lærer:
- grunnleggande programmering
- korleis ein kan samarbeide om større programmeringsoppgåver
- korleis ulike einingar kan knytast saman i nettverk
- om databasar og web-baserte system
I siste del av IT-studiet kan du spesialisere deg innan:
- Web- og mobilteknologi
- Maskinlæring og kunstig intelligens
Vi tilbyr denne utdanninga på heiltid i Bergen, Førde og Haugesund.
Studiets oppbygging
Studentjobb i Førde
Gjennom prosjektet studentjobb kan du skaffe deg relevant deltidsjobb mens du studerar.
Kva er forskjellen på dataingeniør og informasjonsteknologi?
Informasjonsteknologi har dei same samfunns- og IT-faga som dataingeniørutdanninga ved HVL. Den IT-faglege kompetansen i dei to studia er dermed den same. Hovudforskjellen ligg i nokre av matematikkfaga og opptakskrava.
Korleis er undervisninga?
IT-fag og programutvikling krev interesse og sans for matematikk, logisk og systematisk tankegang.
Arbeidsformene varierer mellom forelesingar, praktiske øvingar på datalab, praktiske prosjektoppgåver, sjølvstudium og gruppearbeid.
Ein del av emna har nettundervisning saman med studentane på informasjonsteknologi i Bergen, supplert med fysisk rettleiing på campus.
I siste del av studiet skriv du bacheloroppgåve saman med ein eller to medstudentar, der de skal utvikle eit lite datasystem. Tema for prosjektet blir ofte gitt som oppdrag frå næringslivet, og det kan også utførast utanlands.
Praksis på informasjonsteknologi
I 3. studieår kan du ha praksis i ei lokal bedrift i Førde-området. Du deltar aktivt i bedrifta sine daglege arbeidsoppgåver, og får verdifull og relevant praktisk erfaring frå arbeidslivet.
Utveksling
Grip sjansen til å oppleve verda medan du studerer! Det er tilrettelagt for studieopphald i utlandet i siste del av utdanninga.
Opptakskrav
Generell studiekompetanse og Matematikk R1 (eller Matematikk S1 + S2)
Karrieremuligheter
Kva kan du jobbe med?
Det finst IT-relaterte jobbar og arbeidsoppgåver innan nær sagt alle bransjar. Du blir godt rusta for ein interessant jobb innan ein arbeidsmarknad som etterspør stadig fleire med IT-utdanning, både i privat og offentleg sektor.
Du kan blant anna jobbe med:
- programmering, testing og utforming av brukargrensesnitt
- utvikling av webbaserte system og mobile løysingar for smarttelefonar, nettbrett og liknande
- innkjøp, installering, brukarrettleiing og drift av datautstyr og programvare
Lønn: Kva tener ein med IT-utdanning?
Har du IT-utdanning kan du ha mange ulike jobbar, for eksempel som IT-konsulent, systemutviklar, eller spillprogrammerar.
Utveksling
Australia | Queensland University of Technology | https://www.hvl.no/student/utveksling/utvekslingsstad/?id=10100
Australia | Griffith University | https://www.hvl.no/student/utveksling/utvekslingsstad/?id=309
Belgia | Thomas More University of Applied Sciences | https://www.hvl.no/student/utveksling/utvekslingsstad/?id=815
Canada | University of New Brunswick | https://www.hvl.no/student/utveksling/utvekslingsstad/?id=504
Frankrike | Université Sorbonne Paris Nord | https://www.hvl.no/student/utveksling/utvekslingsstad/?id=781
New Zealand | Auckland University of Technology (AUT) | https://www.hvl.no/student/utveksling/utvekslingsstad/?id=591
Spania | Autonomous University of Madrid | https://www.hvl.no/student/utveksling/utvekslingsstad/?id=10013
Spania | University of Extremadura (UEX) | https://www.hvl.no/student/utveksling/utvekslingsstad/?id=10056
Spania | University of Malaga | https://www.hvl.no/student/utveksling/utvekslingsstad/?id=10513
Spania | Polytechnic University of Valencia (UPV) | https://www.hvl.no/student/utveksling/utvekslingsstad/?id=776
Spania | Complutense University of Madrid | https://www.hvl.no/student/utveksling/utvekslingsstad/?id=819
Sør-Korea | Myongji University, Seoul | https://www.hvl.no/student/utveksling/utvekslingsstad/?id=10286
Tsjekkia | Czech Technical University in Prague | https://www.hvl.no/student/utveksling/utvekslingsstad/?id=10035
Tsjekkia | University of Hradec Králové | https://www.hvl.no/student/utveksling/utvekslingsstad/?id=10040
Tyskland | Philipps-University of Marburg | https://www.hvl.no/student/utveksling/utvekslingsstad/?id=10012
Tyskland | University of Lübeck | https://www.hvl.no/student/utveksling/utvekslingsstad/?id=10048
Tyskland | University of Applied Sciences Mittweida | https://www.hvl.no/student/utveksling/utvekslingsstad/?id=756
USA | San Diego State University (SDSU) | https://www.hvl.no/student/utveksling/utvekslingsstad/?id=10462