Fakta
Informasjon er oppdatert av Høgskulen på Vestlandet
24. april 2024.
Om studiet
Jobbar du i barnevernstenesta og ønskjer å ta vidareutdanning? Vår samlingsbaserte utdanning Vurdering av barnets beste gir deg spesialisert innsikt i barnevernsfaglege vurderingar og avgjerder.
Bli med på digitalt informasjonsmøte om Vurdering av barnets beste, 10. april kl. 11:00.
Kvifor studere Vurdering av barnets beste?
Denne utdanninga har som mål å styrke dei tilsette i barnevernstenesta sin kompetanse til å gjere faglege vurderingar av barnets beste i alle fasar og delar av ei barnevernssak, samt styrke vurderings- og avgjerdskompetansen i det barnevernsfaglege arbeidet.
Arbeidsgjevar kan søke om tilskot for tilsette som ønsker å ta vidareutdanning.
Kva lærer du?
Etter å ha gjennomført videreutdanninga vil du ha konkret kunnskap om
- barnevernets heterogene kunnskapsgrunnlag og tverrfaglege perspektiv
- barnevernsfaglege vurderingar og avgjerder
- det juridiske og tverrfaglege kunnskapsgrunnlaget som inngår i skjønnsutøvinga ved vurdering av barnets beste
- ulike barnesyn og forhold som fremjar barns medverknad og medbestemming
- sentral forsking om omsorgsvurderingar og tydinga av ei heilskapleg forståing av barn og foreldre
- barnevernets maktposisjon og strukturar som kan bidra til avmakt
Studiet legg vekt på varierte undervisningsformar, der målet er at studentane skal øve opp sine praktiske ferdigheiter, haldningar og kunnskapar. Undervisninga vil opne for refleksjon over eigen praksis og utvikle denne i møte med teoretisk kunnskap.
Målgruppe
Studiets oppbygging
Denne videreutdanninga er eit samarbeid med Høgskulen i Volda og inngår i Bufdir si kompetansesatsing innan kommunalt barnevern.
Vil du studere meir?
Du kan søke om innpass for 30 studiepoeng i master i sosialvitskap, studieretning barnevernsarbeid. Du får også godkjent heile vidareutdanninga (30 studiepoeng) i master i sosialvitskap, fleksibel.