Fakta
- 44.50 (primær)
- 49.30 (ordinær)
Informasjon er oppdatert av Høgskulen på Vestlandet
25. mars 2023.
Om studiet
Kvifor studere radiografi?
Radiografen gjer ein viktig jobb for at vi skal kunne få god behandling, og for å forstå kva som skjer inni kroppen. I radiografi står mennesket i sentrum. Ein bruker høgteknologisk utstyr for å hjelpe personar til best mogleg helse.
På radiografutdanninga lærer du korleis du skal utføre undersøking med røntgen, magnetisk resonans (MR), nukleærmedisin og ultralyd. Pasientbehandling og omsorg er også ein viktig del av studiet. Ein radiograf må kunne ta hand om pasientar i ulike situasjonar og fasar i livet.
Radiografar arbeider sjølvstendig, og saman med legar og anna helsepersonell. Utdanninga passar godt for deg som likar å samarbeide med andre menneske.
Ved HVL er det særleg fokus på medisinsk bildebehandling, kunstig intelligens og innovasjon innan radiografifaget.
Du kan studere radiografi ved campus Bergen.
Studiets oppbygging
Praksis
Det er praksis i alle tre studieåra. Desse er er sett saman av klinisk praksis ved somatisk avdeling (sengeavdeling) og klinisk praksis ved radiologiske- og stråleterapiavdelingar. Du kan bli tildelt praksisplass utanfor Bergen.
Her finn du informasjon om praksis for radiografi
Her kan du lese meir om innhenting og fordeling av praksisplassar
Innhald i studiet
Studieløpet i bachelor i radiografi vekslar mellom teori og praksis. Du lærer gjennom forelesningar, gruppearbeid, ferdigheitstrening, problemløysing relatert til relevante situasjonar i praksisfeltet og sjølvstudium. Utdanninga har eit nytt og velutstyrt øvingslokale for bruk til ferdigheitstrening individuelt og i gruppe.
Eksempel på teoretiske fag i studiet er
- strålefysikk
- strålebruk/strålevern
- anatomi
- fysiologi
- patologi
- pasientomsorg
- apparaturlære
- undersøkingsteknikkar og forskingsmetode
Sidan strålefysikk og strålevern er ein sentral del av dei naturvitskaplege emna er det ein fordel å ha fordjuping i, eller interesse for, matematikk og fysikk.
Formidling av kunnskap gjennom oppgåveskriving og munnlege framlegg er lagt vekt på, både gruppevis og individuelt. Studentane blir gitt undervisning i å søke den best tilgjengelege kunnskapen, og til å bruke denne i både teoretisk og praktisk arbeid.
Utveksling
Grip sjansen til å oppleve verda medan du studerer! I siste semester av studiet er det lagt til rette for at du kan ta ein utvekslingsperiode på tre månadar ved eit universitet eller ein høgskule i utlandet, om du ønsker det.
Opptakskrav
Opptaksinformasjon
https://www.hvl.no/student/medisinsk-testing/ Sjå informasjon om medisinsk testing.
https://www.hvl.no/student/politiattest/Studiet har krav om politiattest.
Karrieremuligheter
Kva kan du jobbe med?
Ein autorisert radiograf kan arbeide med bildediagnostikk og på stråleterapeutiske avdelingar på sjukehus eller i private institutt.
Radiografar kan også undervise, drive med industriell radiografi eller jobbe i firma som produserer radiologisk utstyr.
Lønn: Kva tener ein radiograf?
Ifølgje Utdanning.no tener ein radiograf i gjennomsnitt 574 200 kroner. Les meir om lønnstatistikk for radiograf på utdanning.no.
Utveksling
Belgia | ODISEE University of Applied Sciences | https://www.hvl.no/student/utveksling/utvekslingsstad/?id=829
Danmark | University College Lillebælt | https://www.hvl.no/student/utveksling/utvekslingsstad/?id=10450
Finland | Tampere University of Applied Sciences | https://www.hvl.no/student/utveksling/utvekslingsstad/?id=10032
Finland | Turku University of Applied Sciences | https://www.hvl.no/student/utveksling/utvekslingsstad/?id=791
Hellas | University of West Attica | https://www.hvl.no/student/utveksling/utvekslingsstad/?id=10018
Irland | University College Dublin - National University of Ireland, Dublin | https://www.hvl.no/student/utveksling/utvekslingsstad/?id=800
Italia | University of Bologna | https://www.hvl.no/student/utveksling/utvekslingsstad/?id=10217
Malta | University of Malta | https://www.hvl.no/student/utveksling/utvekslingsstad/?id=771
Nederland | INHOLLAND University of Applied Sciences | https://www.hvl.no/student/utveksling/utvekslingsstad/?id=729
Nederland | Fontys University of Applied Sciences | https://www.hvl.no/student/utveksling/utvekslingsstad/?id=786
Portugal | Polytechnic Institute of Coimbra | https://www.hvl.no/student/utveksling/utvekslingsstad/?id=768
Portugal | P.PORTO - Polytechnic of Porto | https://www.hvl.no/student/utveksling/utvekslingsstad/?id=774
Slovenia | University of Ljubljana | https://www.hvl.no/student/utveksling/utvekslingsstad/?id=10207
Storbritannia og Nord-Irland | Ulster University | https://www.hvl.no/student/utveksling/utvekslingsstad/?id=784
Storbritannia og Nord-Irland | University of Suffolk | https://www.hvl.no/student/utveksling/utvekslingsstad/?id=790
Sverige | Lund University | https://www.hvl.no/student/utveksling/utvekslingsstad/?id=777
Sverige | Jönköping University | https://www.hvl.no/student/utveksling/utvekslingsstad/?id=802
Østerrike | FH Campus Wien University of Applied Sciences | https://www.hvl.no/student/utveksling/utvekslingsstad/?id=796