Barnevern

Kvifor studere barnevern?

Barnevernspedagogutdanninga ved Høgskulen på Vestlandet gir deg kunnskap, praksiserfaring og etisk innsikt til å møte barn, unge og familiar i sårbare livssituasjonar. 

Når du studerer barnevern ved HVL i Sogndal får du:

• Tett oppfølging, der du som student blir følgt opp gjennom heile studieløpet, både på studiestaden og i praksis. Dette gir tryggleik, fagleg utvikling og god støtte under utdanninga. 
  
  
• Nært samarbeid med praksisfeltet. Utdanninga har tett samarbeid med barnevernstenester og andre relevante aktørar, som sikrar praksisnær læring og god forståing for arbeidslivet.
  
  
• Etisk, relasjonell og fleirkulturell kompetanse. Det blir lagt stor vekt på etisk refleksjon, kommunikasjon, relasjonsbygging og forståing av kulturelt mangfald – heilt sentrale ferdigheiter i barnevernsarbeid.
  
  
• Variert internasjonaliseringstilbod, der studentane får høve til å delta i internasjonale prosjekt, reise på utveksling og ha praksisopphald i utlandet. Dette gir nye perspektiv og styrkar den profesjonelle forståinga.  

Studiets oppbygging

Praksis

Praksisdelen av barnevernsstudiet utgjer nær 25 prosent. Gjennom alle tre studieår har du ulike typar praksis og du får jobbe med prosjekt i samarbeid med praksisfeltet. Her finn du meir informasjon om praksis for barnevern. 

Mentorordninga Nattergalen er ei ordning der bachelorstudentar i barnevern eller sosialt arbeid er mentorar for eit barn med minoritetsbakgrunn i alderen 8-12 år. 

Korleis er undervisninga? 

Vi har førelesingar, seminar, rollespel, presentasjonar med meir. Du får tett oppfølging gjennom heile studiet.