Fakta
Informasjon er oppdatert av Høgskulen i Volda
.
Om studiet
Master i kulturmøte gir nyttig og etterspurd kompetanse i dagens globaliserte samfunn, der kulturmøta er meir omfattande og intense enn tidlegare. Med utgangspunkt i faga historie og religion gir studiet kunnskap om møte mellom kulturar nasjonalt og internasjonalt.
Masterstudiet har relevans for ulike yrkesvegar, mellom anna internasjonalt arbeid, arbeid i organisasjonar og politiske parti, i forskings- og utgreiingsarbeid (FoU), i skuleverket og i medie- og informasjonsverksemder.
Vil du bruke masterutdanninga i skulen, kan du bygge på med eittårig praktisk-pedagogisk utdanning (PPU).
Programmet er bygd opp av fire kulturhistoriske emne, kvart på 15 studiepoeng, og ei mastergradsoppgåve på 60 studiepoeng. Det vil kvart år bli gitt tilbod til studentane om å skrive masteroppgåve innanfor prosjekt som programansvarleg tilbyr.
Obligatoriske emne:
- Nasjon, kultur og religion
- Vitenskapsteori og metode inkl. prosjektomtale/oppgåvedisposisjon
- Masteroppgåve i Kulturmøte
Valbare emne:
- Brennpunkt Midtausten
- Skule, religionsmangfald og sekularisering
- Migrasjon, kjønn og religion
- Mikrohistorie
- Religionskrig i historisk perspoektiv
- Mangfald, integrasjon og eksklusjon
Det vert vektlagt å gi studentane kompetanse til å leie arbeid med kulturell integrering, og kunne planleggje og gjennomføre FOU-prosjekt – åleine og i samarbeid med andre.
Opptakskrav
Opptaksinformasjon
Utveksling
Det vil bli lagt til rette for utanlandsopphald på eitt til to semester ved samarbeidsinstitusjonar i utlandet, til dømes ved University of Limerick i Irland eller ulike spanske og skotske universitet.