Nøkkelinformasjon
Om studiet
Lyst å lære om musikkproduksjon, låtskriving og lyddesign? Eller framføre elektronisk musikk live? Hos oss er det kreativitet og musikkglede som står i fokus - bruk eit år på å utvikle skaparen i deg!
Laptopen er både eit instrument og eit produksjonsverktøy. Linja har eit stort fokus på å skape musikk, både åleine og i lag med andre. Me arbeider med å forme og behandle lyd, og lærer mykje gjennom å jobbe praktisk. Som elev har du stor påverknad på skulekvardagen - fordjup deg i det du er mest interessert i!
På skulen har me eit stort studio og to mindre studio med fult av utstyr. Mykje studiotid! Me har også nært samarbeid med lokale festivalar og musikkmiljø. I løpet av året besøker me fleire studio, både i kulturbyen Bergen og utlands. Det vert også meisterklassar med kjende musikarar, produsentar og lyddesingarar. Voss FHS har kjende musikarar blant tidlegare elevar, som Odd Norstoga og prisvinnande lyddesignar Gisle Tveito. Gisle har meisterklasse om lyddesign hos oss!
Hovudprogrammet me brukar er Ableton Live, der alle elevar får 1-års lisens. Du får og høve til å jobbe i program som FL eller Logic pro.
Voss er også ei aktiv bygd; du får gratis årskort i skianlegget, fly i vindtunell og rafte. Me reiser gjennom Hardanger i seilbåt og overnatter i Nærøyfjorden. Gjennom eit år på folkehøgskole dannar du sterke vennskap,alle bur på skulen og det er alltid noko som skjer.
Voss folkehøgskule har eit breitt kreativt miljø som gir spennande samarbeid. Produser musikk for Musikk&Friluftsliv-elevane, eller bruk dei som instrumentalister i di musikk. Me lagar dataspel med dataklassen! Me samarbeider med film/fotolinja på kortfilmane deira!