Nøkkelinformasjon
Om studiet
Opplev, utforsk og lær om å ta deg fram i naturen! Bålkos, soloppgang over fjella, solnedgang i havet, båtturar, turar til fots og på ski i vakker vestlandsnatur er noko av det du får oppleva hos oss!
Me held fokus på introduksjonen og læringa om det fine friluftslivet og krydrar dette med spektakulære opplevingar.
Du vil i løpet av året bli god på grunnleggjande friluftsliv som; stormkjøkken, bål, leirplass, kart og kompass og generell ferdsel i ulik natur og i ulike årstider. Rundt skulen har vi både vatn, skog, fjell og kyst og som gjev oss mange fine opplevingar i nærområdet. I tillegg får du sjanse til meir utfordrande og spektakulære aktivitetar innimellom.
Me vil legge opp aktivitetane til det du og klassen har lyst til!
- Kajakk og våtkort
- Overnattingsturer ved sjø, i skog og fjell
- Hytte-vandring
- Øyhopping med båt og kajakk
- Frivillig å prøve ut rafting, surfing og Via Ferrata/klatring
- Nokre skiturer når anledningen byr seg
- Fiske og fangst
Du som elev får være med å påverka kva aktivitetar me finn på, og moglegheitene er mange. Det som går igjen er dei grunnleggjande friluftslivsferdighetane uansett kva aktivitetar me endar opp med underveis i året. Kombinasjonen av adrenalin og heftige opplevingar med det å finne roa i naturen, kjenne på stillheten og vere til stede, kjem me til å jobbe mykje med.
Naturopplevingar, samarbeid og meistring er viktige for oss på denne linja.
Me har ein del kortare turar i regionen, men me kjem også til å reise på fleire spennande turar med linja og heile skulen. Som me planlegg saman med deg og klassen.