Fakta
- Alle (primær)
- Alle (ordinær)
Informasjon er oppdatert av Universitetet i Sørøst-Norge
.
Om studiet
Er du interessert i handverk og tradisjonar, og ynskjer å arbeide praktisk med dette? På årsstudium i tradisjonskunst kan du velgje å arbeide med tradisjonshandverk innan tre, metall, tekstil eller instrumentmaking.
Kvifor årsstudium i tradisjonskunst?
Er du interessert i handverk, formgjeving og tradisjonar? Du vel å fordjupe deg i eitt av materialområda:
- Tre
- Metall
- Tekstil
- Instrumentmaking
Du får tett oppfølging gjennom studieåret og individuell rådgjeving til val knytt til eiga utøving.
– Jeg merker at interessen for smykker med historiske røtter er økende, så jeg tror det er en god tid å satse på yrker som har rot i tradisjon og håndverk.
Sylvsmed Linn Sigrid Bratland
Dette lærer du
Årsstudiet inneheld ei brei innføring i tradisjonshandverk, formgjeving og tradisjonskunstens eigenart.
Kjerneområda i studiet er:
- Utøving og skapande arbeid: Praktisk og teoretisk tradisjonskunnskap, tradisjonelle handverksteknikkar og materialkunnskap, utøving og skaping innan valt materialområde, og innføring i tradisjonskunstens eigenart og formspråk.
- Tradisjonskunnskap: Studiet gir deg innsikt i den sosial og kulturelle konteksten til tradisjonskunsten, både i eit lokalt, nasjonalt og internasjonalt perspektiv. Praktisering av tradisjonskunst omhandlar ei vidareføring av tradisjonshandverk saman med skapande formgjeving.
Kva slags jobb får du?
Studiet utdannar fagpersonar i tradisjonskunst for eit breitt kultur- og handverksfelt. Studiet kan kvalifisere til å arbeide i ei rekkje instansar: som tradisjonskunstnar/handverkar med eiga bedrift, med formidling og pedagogisk arbeid, museums- og arkivarbeid, med kulturforvaltning på kommune- og fylkesplan og med organisasjonsarbeid.
Sosialt studentmiljø
Campus Rauland ligg i den vakre fjellbygda Rauland og deler lokale med kurs- og aktivitetssenteret Raulandsakademiet. Det kreative studentmiljøet pregar kvardagen, og det er mange aktivitetar ein kan delta i som danseklubb, spikkeklubb, huskonsertar, klatring, brettspelkveldar, handverkskveldar, hardingfelegruppe, studentpub kvar onsdag m.m. Kvart år blir Rauland Vinterfestival arrangert ved campus.
Vidare utdanningsmoglegheiter
Studiet tilsvarer 1. år av bachelor i tradisjonskunst, og kvalifiserer for opptak til andre året.
Etter bachelor eller master kan ein med PPU (praktisk-pedagogisk utdanning) bli kvalifisert for arbeid i grunnskulens mellom- og ungdomstrinn, kulturskule, vidaregåande skule, folkehøgskule og vaksenopplæring. Du kan også bruke årsstudium i tradisjonskunst som eit av fem år i ei grunnskulelærarutdanning. Årsstudiet kan også brukast som vidareutdanning.