Psykososialt arbeid med barn og unge

Kvifor studere psykososialt arbeid med barn og unge? 

Denne utdanninga gir kompetanse til å styrke meistring og trivsel hos barn og unge i heim, barnehage, skule, arbeid og fritid. Ved å studere psyskososialt arbeid med barn og unge tileigner du deg kunnskap om nærmiljøet sine støttande funksjonar i forhold til den psykiske helsa til barn og unge i alderen 0-23 år. Du utviklar også ferdigheiter knytt til å styrke barn og unge sin familie og sosiale nettverk. Studiet omhandlar spørsmål knytt til sped- og småbarn, barn i skulealder, ungdom og unge vaksne.

Utdanninga har fokus på tre hovudområde:

• Utvikle kunnskap og kompetanse i tråd med barn og unge sine behov
• Betre samarbeid og koordinering av tenestene
• Meistringsfokus, haldningar og brukarmedverknad

Er du tilsett i ein kommune eller fylkeskommune? Då kan arbeidsgivaren din søke Statsforvaltaren om kompetanse- og innovasjonstilskot.

Kva lærer du?

Dette studiet gir deg kunnskap om: 

• Barn og unge sine psykiske- og sosiale forhold i eit helsefremjande og førebyggjande perspektiv
• Tverrfagleg samhandling og tenesteutvikling på tvers av sektorar og fagprofesjonar
• Livsmeistring og folkehelse
• Fagutvikling og rettleiing
• Praksisnær undervisning

Tverrfagleg vidareutdanning i psykososialt arbeid med barn og unge er på mastergradsnivå.