Elektroingeniør | Førde

Kvifor bli elektroingeniør?

Elektroteknolologi gjer at mobilen er på nett, det er straum i huset og at kofferten din automatisk vert transportert til flyet etter at du har sjekka han inn. Elektroteknologi finn du i små detaljar og i store system. Elektroingeniøren har kunnskap om hardware og software og korleis dette fungerer saman.

Du kan også studere til å bli elektroingeniør i Bergen og i Haugesund. Om du vil kombinere studiet med jobb, kan du studere elektroingeniør på deltid som eit nett- og samlingsbasert studium.

Spesialisering innan automatisering og robotikk

Det andre studieåret i Førde startar du på ei spesialisering og fordjuping innan Automatisering og robotikk. Du jobbar med tema som industriell automasjon, regulering, instrumentering, robotikk og systemintegrasjon – og får høve til å bruke robotikklab og fagmiljø aktivt i prosjekt og oppgåver gjennom studiet.

Robotikklab i Førde

På campus Førde får du tilgang til nokre av verdas mest avanserte robotar til undervisning og forsking, og eit internasjonalt anerkjent forskingsmiljø som jobbar tett saman med næringslivet om studentoppgåver og sommarjobbar. Du kan lese meir om vårt forskingsmiljø og vår robotikklab HVL Robotics her: HVL Robotics

Andre campus og studiemodellar: 

• Bergen: Automatisering og robotikk, elkraft, cyberfysisk nettverksteknologi, elektronikk.
• Haugesund: automatisering og prosesstyring.
• Førde (deltid): elektroingeniør nett og samlingsbasert automatisering og robotikk, elkraft. 

Dekker du ikkje opptakskravet?

Har du relevant fagbrev, men ikkje generell studiekompetanse, kan du ta den yrkesfaglege vegen (y-vegen). Her går du eit tilpassa løp og startar med mattekurs i juni. Les meir om y-vegen.  

Har du generell studiekompetanse, men manglar matte og fysikk, kan du ta tresemesterordninga (TRES). Du tar matte på sommaren, og fysikk på hausten medan du startar på ingeniørutdanninga. Les meir om TRES. 

Både y-vegen og TRES tar du på tre år, så du mistar ikkje noko tid!

Du kan også ta nett- og samlingsbasert realfagskurs.

Skal du søke på y-veg, TRES eller forkurs må du søke via  vår lokale Søknadsweb. Søknaden går ikkje gjennom Samordna opptak.

Studiets oppbygging

Studentjobb i Førde

Gjennom prosjektet studentjobb kan du få relevant deltidsjobb mens du studerar. 

Korleis er undervisninga?

Du har forelesingar, rekneøvingar, laboratoriearbeid, gruppearbeid og sjølvstudium. Laboratorieoppgåvene kan vere målingar på enkeltkomponentar, praktisk drift av utstyr, eller simulering på datamaskin. Det er også mogeleg med praksis i arbeidslivet undervegs i utdanninga.

Førelesningane er i hovudsak på campus, men noko av undervisninga vil også vere nettbasert.

Bacheloroppgåva skriv du som regel i grupper med andre studetntar på utdanninga di. Prosjektet vil vere ei konkret ingeniørfagleg arbeidsoppgåve, ofte i samarbeid med næringslivet.

Har du fagskuleutdanning?

Har du tatt 2- eller 3-årig fagskule og ønsker å gå vidare med ei ingeniørutdanning?

Du kan få fri tak for inntil 60 studiepoeng dersom du har relevant fagskuleutdanning. Fritak søker du om etter at du har fått plass på utdanninga.