Berekraftig klimatilpassing i arealplanlegging

Kvifor studere berekraftig klimatilpassing i arealplanlegging?

I denne vidareutdanninga kombinerer vi kunnskap om klimatilpassing med praktisk oppgåver knytt til arealplanlegging.

Faktorar som befolkningsvekst, urbanisering, økonomisk utvikling og endringar i naturressursbruk har innverknad på klimaendringar. Ved å få meir kunnskap om dei ulike drivarane og dynamikk bak endringar i arealbruk, vil du betre forstå korleis klimaendringar påverkar desse samfunssmessige faktorane og omvendt. Dette vil vidare gi deg grunnlag for kritisk refleksjon over ulike klimatilpassingsstrategiar. 

Kva lærer du?

Ved å gjennomføre denne vidareutdanninga vil du mellom anna lære:

• Å planlegge og gjennomføre analysar og prosessar med mål om å redusere klimarisiko.
• Å utføre analysar av årsak-verknadskjeder for lokal klimarisiko.
• Korleis utvikle berekraftige løysingar for klimatilpassing lokalt.
• Å analysere og drøfte heilskaplege løysingar for lokal klimatilpassing i lys av gjeldande teoriar og forsking.

Les meir i emneplanen om kva du lærer.

Målgruppe

Emnet er eigna for: 

• Deg som arbeider arealplanlegging, og som ønskjer meir kunnskap om korleis du kan tenkje klimatilpassing inn i utviklinga.
• Deg som arbeider med klimatilpassing, og som ønskjer å forstå korleis du kan gå fram for å lage konkrete planar for dette.
• Deg som har bakgrunn i tilgrensande fag, og ønskjer ei innføring i arealplanlegging for klimatilpassing.