Fakta

Lærested:
Høgskulen i Volda
Sted:
Høgskulen i Volda
Studietype:
Master 1,5-2 år
Studieform: Undervisning ved lærestedet
Studietempo: Heltid
Studiepoeng:
120
Lagre i favoritter

Informasjon er oppdatert av Høgskulen i Volda

.

Les mer på hivolda.no

Om studiet

Mastergraden gir deg brei kompetanse innanfor språk, litteratur og kultur og dessutan eit inngåande, kritisk og tverrfagleg perspektiv på skriftkulturar si rolle i samfunnet. 

Studiet har relevans for ulike yrkesvegar, mellom anna innanfor skuleverket, media, forlag og kulturformidlingsinstitusjonar.

Studentane kan velje fordjuping i anten norsk eller engelsk, og saman med praktisk-pedagogisk utdanning (PPU) gir fullført studium lektorkompetanse i faget norsk eller faget engelsk i skulen.

Mastergraden kvalifiserer også for opptak ved doktorgradsstudium og ein vidare karriere som forskar.

Programmet er bygd opp av seks skriftkulturelle emne, kvart på 15 studiepoeng, og ei mastergradsoppgåve på 60 studiepoeng. Det vil kvart år bli gitt tilbod til studentane om å skrive masteroppgåve innanfor prosjekt som programansvarleg tilbyr. Heiltidsstudentar tek to emne per semester. Deltidsstudentar tek eitt emne per semester . 

Obligatoriske emne, som går i haustsemesteret:

  • Skriftkulturar
  • Vitskapsteori og metode
  • Masteroppgåve i Skriftkulturar

Valbare emne, som går i vårsemesteret:

  • Språkvitskap og skriftkulturar
  • Nynorsk samtidslitteratur
  • Skrift og fridom i den engelskspråklege verda
  • Lese- og skriveferdigheiter

Det vert vektlagt å gi studentane kunnskap og kompetanse innanfor ulike skriftkulturelle felt og røynsle med å planlegge og gjennomføre FoU-prosjekt – åleine og i samarbeid med andre. 

Undervisninga er organisert som samlingar. Den første samlinga i kvart semester føregår fysisk ved Høgskulen i Volda, medan dei andre samlingane er digitale.

Opptakskrav

Bachelorgrad eller tilsvarande (minimum 180 studiepoeng), der minimum 20 av studiepoenga må vere frå fordjupingsemne (200-nivå) i norsk (nordisk) eller engelsk.

Opptaksinformasjon

Søknadstype: Lokalt Høstopptak. Søknadskode: 4522

Utveksling

Det er ikkje lagt opp til praksis i studiet. Derimot vil det bli lagt til rette for utanlandsopphald i vårsemesteret ved ein av våre samarbeidsinstitusjonar i utlandet, til dømes ved Åbo Akademi University i Finland, University of Limerick i Irland, University of Aberystwyth i Wales eller University of Waikato på New Zealand. Emne frå desse universiteta kan då erstatte eitt eller fleire av våre eigne valemne som går i vårsemesteret. Det kan òg vere aktuelt å ha opphald i utlandet medan ein skriv på sjølve masteroppgåva. Utanlandsopphald er likevel berre eit tilbod, ikkje eit krav.