Nøkkelinformasjon
Om studiet
Du skal få trene variert og prøve ut mange idrettar, og du skal på eventyrlege opplevingar i storslått vestlandsnatur.
Vi startar normalt opp med fotball og beachvolleyball. I mars skal vi delta påskulemeisterskap i volleyball. Då stiller Sport Adventure lag i mix-klassen. Det blir naturlig å trene mot dette i tida før. Dette er ei volleyballturnering der vi gjer vårt beste og har det samtidig gøyast av alle. I desember skal skulen delta på Nordvestcup i fotball som er ei turnering for folkehøgskular. I gymsalen skal vi spele forskjellige ballidrettar og i treningsstudio trener vi minst èin gong i veka. Vårt nye treningsstudio på skulen kan du bruke så ofte du vil på fritida heile året.
Normalt køyrer vi eit våttkurs i elvekajakk på hausten. Vi skal rafte ned Jølstraelva og kjempe med naturkreftene. Å gå Via Ferrata er ei stor naturoppleving. Dette er ei klatrerute som er mulig for dei aller fleste å gjennomføre. Her får du testa høgdeskrekken din og pressa litt grenser. Men følelsen av å stå på toppen av Hoven etter gjennomført tur er det lite som slår.
Du vil få vere med på fjellturar med utsikt som gir fred i sjela.
Du skal få lære å lage bål og lære
å lage mat ute i naturen. I tillegg skal
vi sanke inn litt mat og plukke
litt bær og sopp.
Studieturen går til Sri Lanka. Les om den under studieturar.