Anlegg

Fordjupingsområdet anlegg gjev deg opplæring i anleggskonstruksjonar, anleggsdrift, byggeplassleiing, landmåling, betong- og stålteknologi, fjellarbeid, kommunalteknikk og geoteknikk. Du lærer å utarbeide anbod, og får kunnskap om lov- og regelverk for bygg- og anleggsbransjen. Tilbodet er på Fagskulen Vestland sin studiestad Førde.

Utdanninga passar spesielt godt for deg som har gått bygg eller anleggslinje på vgs, (tidlegare yrkesskulen), eller som har arbeidd innanfor ulike anlegsfag, og som no ynskjer meir formell kompetanse eller deg som har leiarambisjonar.

Etterspurnaden etter arbeidskraft med teknisk bakgrunn frå fagskule er allereie stor og er forventa og auke ytterlegare i dei nærmaste åra, p.g.a. stort underskot av denne type arbeidskraft.

Utdanningstilbod  

Dette studiet er to-årig samlingsbasert over tre år.

Gjennomføring av utdanninga

Studiet er basert på klasseromsundervisning, praktisk landmåling, bedriftsbesøk, innleveringsoppgåver, prøvar/testar, bruk av dataverktøy, sjølvstudie og prosjekt. Der er spesifiserte arbeidskrav i alle emner, som må oppfyllast. Jfr.studieplan.

Du søkjer via Samordna opptak.