Fakta

Sted:
Sámi allaskuvla / Sámi University of Applied Sciences Kautokeino
Studietype:
Master, 2 år
Studieform: Undervisning ved lærestedet
Studietempo: Heltid
Studiepoeng:
120

Informasjon oppdatert

14. mars 2022.

Om studiet

Sámegiela ja sámi girjjálašvuođa masteroahpu ulbmil lea hukset ja nannet sámi álbmoga eatnigiela ja girjjálašvuođa fágamáhtu.

Mastergrádaoahppu hukse nanafágalaš vuođu bargat sámegielain ja girjjálašvuođain vuosttažettiin oahpahus-ja dutkansurggiin, muhto maiddái iešguđetlágan servodat-ja fágasurggiin, main gáibiduvvo nanasámegielgealbu ja gos girjjálašvuohta buvttaduvvo ja gaskkustuvvo.

Masteroahppu (120 oahppočuoggá) lea huksejuvvon sámegiela ja sámi girjjálašvuođa bacheloroahpu ala ja addá studentii čiekŋalut áddejumi sámegielasja sámi girjjálašvuođas.

Sámi allaskuvlla sámegiellabirrasis lea nana fágalaš gealbu ja masteroahpuin lea vejolašvuohta váldit vuhtii ovttaskas studeantta fágalaš dárbbuid, go son vállje sierra kurssaid ja iežas masterbarggu fáttá. Studeanttat ožžot jeavddalaš bagadallama ja čuovvolahttima, mii veahkeha sin čađahit oahpu normerejuvvon áiggis. Sámegiela ja sámi girjjálašvuođa master addá buori oppalaš vuođu bargat máŋggalágan giella-ja teakstagažaldagaiguin.

Undervisningsopplegg

Oahpahusgiella lea dábálaččat davvisámegiella, muhto ovttaskas fáttáin sáhttá oahpahus leat eaŋgalasgillii, dárogillii, ruoŧagillii dahje suomagillii.

Oahpahan - ja oahppanvuogit

Prográmma lea normerejuvvon guovttejahkásaš ollesáiggioahppun. Mastergráda-prográmma sisttisdoallá geatnegahtton oahppooassi ovttas fágaspesiála osiin ja loahppabargun lea čállit iehčanas mastergrádadutkamuša.

Oahppooasi oahpahan-ja oahppanvuohkin leat logaldallamat, čálalaš barggutja seminárat. Logaldallamat addet oppalaš gova fágaid iešvuođainja ulbmiliin. Čállinbarggut, njálmmálaš ovdanbuktimat ja seminárat hárjehit studeantta hábmet iežas jurdagiid, ákkastallat teoriijaid ja perspektiivvaid válljemiid ja suokkardallat heivvolaš doahpagiid. Studeanttain lea alddiineaset ovddasvástádus čuovvut oahpahusa.

Opptakskrav

sámegiela ja sámi girjjálašvuođa bachelorgráda dahje vástideaddji oahppu. 

Gáibiduvvo, ahte ohccis leat 90 oahppočuoggá čiekŋudanoahput sámegielas eatnigiellan. Bachelorgráda gaskamearálaš árvosátni galgá leat C dahje buoret.

Studeanttain, geain lea cand.mag.-dutkkus, galgá leat sámegielas gaskamearálaš árvosátnin 2,7 dahje buoret.