Fakta

Lærested:
Nord universitet
Sted:
Bodø
Studietype:
Høyere nivå
Studieform: Samlingsbasert
Studietempo: Deltid
Studiepoeng:
60
Lagre i favoritter

Informasjon er oppdatert av Nord universitet

.

Les mer på nord.no

Om studiet

Tverrfagleg vidareutdanning i psykisk helse-, rus- og avhengigheitsarbeid kvalifiserer til førebyggande, behandlande og rehabiliterande arbeid innan kommunale helse-, sosial- og velferdstenester, psykisk helsevern og tverrfagleg spesialisert rusbehandling (TSB), statlege tenester, private organisasjonar og brukarorganisasjonar. Utdanninga kvalifiserer også til yrkesmoglegheiter innan andre sektorar.

Tverrfagleg vidareutdanning i psykisk helse-, rus- og avhengigheitsarbeid er ei utdanning på masternivå. Studiet er ei sjølvstendig vidareutdanning, men kan òg inngå som fordjuping i psykisk helse-, rus- og avhengigheitsarbeid i Master i helsevitskap. Studiet blir tilbydd på deltid over to år. Utdanninga er forskingsbasert, praksisbasert og erfaringsbasert, og skal møte samfunnet sine krav om likeverdige og kunnskapsbaserte tenester. Dette inneber at kandidaten skal kunne bidra til å ivareta menneskerettar, deltaking og utviklingsmoglegheiter i samfunnet, og fremje god psykisk og fysisk helse for menneske med psykiske helse-, rusmiddel- og/eller avhengigheitsproblem.

Opptaksinformasjon

Bachelorgrad eller tilsvarande grad på minst 180 studiepoeng: Bachelorgrad i sjukepleie, sosialt arbeid, barnevern, vernepleie, fysioterapi eller ergoterapi.

For søkjarar med anna bachelorgrad eller tilsvarande grad på 180 studiepoeng krevst det i tillegg minimum eitt års relevant yrkeserfaring. Relevant yrkeserfaring er arbeid med psykisk helse, rus og/eller avhengigheit. Arbeidserfaringa må vere frå dei siste 10 åra, etter fullført bachelorgrad med eit omfang tilsvarande eitt år i 100 % stilling. Dette må dokumenterast i attest frå arbeidsgivar.

Rangering basert på vekta karaktersnitt av opptaksgrunnlaget. Emne med «Bestått» eller «Godkjent» blir ikkje inkluderte i utrekninga av gjennomsnittskarakter.
 

Krav undervegs i studiet

Det krevst politiattestfor å starte på Tverrfagleg vidareutdanning i psykisk helse-, rus- og avhengigheitsarbeid. Når du har fått opptak til studiet, vil du få dokumentasjon frå universitetet. Denne skal leggast ved når du søker om politiattest.

Helsetenestene har fag-/pasientjournalsystem, med ulike krav til tilgang/pålogging. Vêr merksam på at studentar som skal i praksisstudiar må rekna med å ha gyldig pass eller nasjonalt ID-kort.

Sjå nettsidene til Politiet for informasjon om pass og nasjonalt ID-kort Om pass og ID-kort - Politiet.no og nettsidene til Digitaliseringsdirektoratet for meir informasjon om tryggingsnivå Ulike sikkerhetsnivå | Hjelpesider for fellesløsninger

Læringsutbytte

Kunnskap:

  • Har avansert kunnskap om fagområda helsevitskap, psykisk helse, rus og avhengigheit både kvar for seg og i samanheng.
  • Har inngåande kunnskap om perspektiv på psykisk helse, rus og avhengigheit.
  • Har inngåande kunnskap om etikk, lovverk og organisering innan psykisk helse, rus og avhengigheit.
  • Har avansert kunnskap om kommunikasjon, relasjon og samhandling innan psykisk helse, rus og avhengigheit.
  • Har inngåande kunnskap om arbeid med psykiske helse-, rusmiddel- og avhengigheitsproblem.
  • Har inngåande kunnskap om forsking, formidling og fagutvikling innan psykisk helse, rus og avhengigheit.

Ferdigheiter:

  • Kan analysere og forhalde seg kritisk til ulike perspektiv på psykisk helse, rus og avhengigheit.
  • Kan analysere og nytte kunnskap om etikk, lovverk og organisering.
  • Kan bruke relevant kunnskap om kommunikasjon, relasjon og samhandling i samarbeid med brukarar, pårørande og andre samarbeidspartnarar.
  • Kan analysere og nytte aktuelle arbeidsmetodar innan psykisk helse, rus og avhengigheit.
  • Kan anvende kunnskap om forsking, formidling og fagutvikling innan psykisk helse, rus og avhengigheit.

Generell kompetanse:

  • Kan nytte kunnskapar og ferdigheiter for å bidra til forbetringsprosessar i psykisk helse-, rus- og avhengigheitsarbeid.
  • Kan sjølvstendig formidle oppdatert kunnskap innanfor fagområda psykisk helse, rus og avhengigheit.
  • Kan bidra til innovasjon og berekraftige helse- og velferdstenester innan psykisk helse, rus og avhengigheit.
  • Har innsikt i globale utfordringar og prioriterte satsingsområde knytt til psykisk helse, rus og avhengigheitsarbeid, og kan nytte internasjonal litteratur innan fagfelta.

Videre studier

Kandidatar som har fullført utdanninga, kvalifiserer til å få innpassa 60 studiepoeng i ei mastergrad i helsevitskap ved Nord universitet.

Karrieremuligheter

Etter vidareutdanning vil kandidaten ha kunnskap, ferdigheiter og generell kompetanse innanfor fagområda psykisk helse samt rus og avhengigheit, både kvar for seg og i samanheng. Utdanninga kvalifiserer til førebyggande, behandlande og rehabiliterande arbeid innanfor kommunale helse-, sosial- og velferdstenester, psykisk helsevern, tverrfagleg spesialisert rusbehandling (TSB), statlege tenester, private organisasjonar og brukarorganisasjonar. Utdanninga kvalifiserer òg til yrkesmoglegheiter innan andre sektorar.

Utveksling

Det vil bli lagt til rette for utveksling i delar av utdanninga.

Kvalifikasjon/tittel

31 - 60 studiepoeng