Fakta
Informasjon er oppdatert av Høgskulen på Vestlandet
.
Om studiet
Har du yrkesfagleg utdanning, og lyst til å bli ingeniør eller ta ei maritim utdanning? Då er forkurset noko for deg!
Kva er forkurs?
Forkurs for ingeniørutdanning er perfekt for deg som har yrkesfagleg utdanning, men som manglar generell studiekompetanse. Forkurset er eit eittårig kurs som gir deg faga du treng for å søke opptak til ei ingeniørutdanning eller integrert masterstudium i teknologiske fag.
Faga som inngår i kurset er:
- Matematikk
- Fysikk
- Norsk
- Engelsk
- Teknologi og samfunn
Det er krav om 60 % frammøte på forelesningar i kvart fag. Alle fag har også obligatoriske arbeidskrav.
Korleis er undervisninga?
Forkurset blir rekna som eit fulltidsstudium. Det blir lagt opp til varierte undervisningsformer som inkluderer forelesningar, laboratoriearbeid, rekneøvingar og sjølvstudium. All undervisning er på campus. Undervisninga skjer normalt på dagtid i vekedagane. Forelesningar og rekneøvingar utgjer rundt 22 timar kvar veke. Du må i tillegg berekne å bruke tid på førebuingar og eigenstudiar.
For å lukkast i kurset krevst det sterk motivasjon og ein høg arbeidsinnsats. Det er viktig at du deltek aktivt i kurset og stiller spørsmål når du treng det. Dei erfarne forelesarane våre er her for å hjelpa deg og sikra at du får mest mogleg ut av kurset. På Høgskulen på Vestlandet blir du ein integrert del av eit levande og engasjert studentmiljø der aktiv deltaking og fellesskap står i sentrum.
Studiets oppbygging
Har du generell studiekompetanse?
Då treng du berre matematikk og fysikk. Ved HVL har du fleire moglegheiter:
- Realfagskurs | Bergen | heiltid over eit halvt år
- Realfagskurs | Bergen og Haugesund | deltid over eit år
- Realfagskurs | nett- og samlingsbasert | deltid over eit år
Kva er forskjellen på forkurs og realfagskurs?
Realfagskurset er for deg som har generell studiekompetanse, men manglar fordjupning i matematikk og fysikk for å søke opptak til ingeniørutdanning.
Forkurset er for deg som ikkje har generell studiekompetanse, og inneheld derfor fleire fag enn realfagskurset: matematikk, fysikk, norsk, engelsk og teknologi og samfunn.
Opptakskrav
Du må ha ein av desse:
- Bestått VG1 og VG2 frå yrkesfag
- Fag eller sveinebrev
- 5 år relevant erfaring (realkompetanse)
Karrieremuligheter
Kva blir du kvalifisert for?
Forkurset er eit eittårig kurs som gir deg moglegheita til å søke opptak til ei ingeniørutdanning eller integrert masterstudium i teknologiske fag.
Etter bestått forkurs vil du konkurrere i forkurskvota. På treårige ingeniørutdanningar er inntil 20 prosent av studieplassane reserverte for søkarar som har tatt alle faga i forkurset. Har du fritak i eitt eller to fag, vil du ikkje konkurrere i forkurskvota. Forkurset må vere godkjent.
Forkurset kvalifiserer ikkje for opptak til bioingeniørutdanning.