Fakta
- Alle (primær)
- Alle (ordinær)
Informasjon er oppdatert av Høgskulen på Vestlandet
2. desember 2023.
Om studiet
Kvifor studere engelsk?
Engelsk er eit verdsspråk, og gjennom å studere engelsk får du
innsikt i språk, litteratur, historie og samfunnstilhøve i den
engelsktalande verda, betrar dine eigne språkferdigheiter og
tileignar deg god tekstkompetanse. Dette er sentrale ferdigheiter
i mange yrke og studiar. Studiet gir kunnskap om litteratur og
andre kulturuttrykk, historie og samfunnstilhøve og munnleg og
skriftleg språkkunnskap.
Du lærer:
- Engelsk grammatikk, fonetikk og språkhistorie
- Å lese og analysere litterære tekstar og andre kulturutrykk ved å bruke kunnskap om sjangrar, litterære verkemiddel og andre meiningsuttrykk, og historiske og sosiale kontekstar for produksjon og mottaking
- Å nytte engelsk munnleg og skriftleg tilpassa tema, kontekst og mottakar
Engelsk årsstudium passar godt som vidareutdanning for lærarar, og som inngang til eller tillegg til andre studiar. Engelsk årsstudium kan inngå som studiepoeng i andre utdanningar, og dannar grunnlag for å fortsette på ei bachelorutdanning innan engelsk.
Studiets oppbygging
Korleis er undervisninga i engelsk årsstudium lagt opp?
All undervisning skjer på nett, og studiet føreset at ein har
datamaskin med internettilknyting, videokamera, mikrofon og
vanleg programvare til skriving og kommunikasjon. Undervisninga
skjer ved hjelp av læringsplattforma Canvas og
nettkonferanseverktøy.
Læringsaktivitetar nytta i studiet er førelesingar, digitale
læringsressursar, skriftlege og munnlege oppgåver, rettleiing og
studentorganiserte kollokviegrupper, i tillegg til sjølvstudium.
Engelsk er både målspråket og undervisningsspråket, og alle
læringsaktivitetar er på engelsk.
Studiet består av fire emne, kvart på 15 studiepoeng.
- ENG101: Introduction to English linguistics
- ENG201: Introduction to English-language literature, history and culture
- ENG301: English linguistics 2
- ENG401: English-language literature, history and culture 2
ENG101 og ENG201 går i haustsemesteret, medan ENG301 og ENG401 går i vårsemesteret. Les meir om undervisingsmåtar, arbeidskrav og vurderingsformer i emneplanane.
Opptakskrav
Opptaksinformasjon
https://www.hvl.no/student/politiattest/Studiet har krav om politiattest.
Karrieremuligheter
Kva kan du jobbe med?
Å få fagkompetanse innan engelsk vil vera nyttig for arbeid innan undervisning, litteratur- og kulturformidling, språk og tekstarbeid, informasjonsarbeid, reiseliv, offentleg forvaltning, næringsliv og internasjonalt arbeid og studiar. Eit årsstudium i engelsk passar godt saman med andre utdanningar, som samfunnsfag, kulturfag, språkfag eller pedagogiske fag.
Utveksling
Polen | WSB University in Wroclaw | https://www.hvl.no/student/utveksling/utvekslingsstad/?id=10352
Sør-Korea | Myongji University, Seoul | https://www.hvl.no/student/utveksling/utvekslingsstad/?id=10286