Fakta
Informasjon er oppdatert av Høgskulen på Vestlandet
24. april 2024.
Om studiet
Denne doktorgradsutdanninga rettar seg mot deg som vil kvalifisere deg for forsking og vitskapleg arbeid på høgt internasjonalt nivå. Programmet legg vekt på forsking relatert til prosjektering av system og bruk av datateknologi i tverrfagleg forsking.
Feltet programvareteknikk handlar om ingeniørprinsippa for design, utvikling, evaluering, distribusjon og vedlikehald av programvare og programvaresystem.
Feltet sensornettverk handlar om teknikkar, maskinvare- og programvareplattformar som etablerer kommunikasjonsinfrastruktur mellom nettverksbaserte sensoreiningar.
Feltet ingeniørdatahandsaming handlar om utvikling og bruk av matematiske modelleringsteknikkar, programvare og dataplattformer for å løyse komplekse problem innan ingeniørfag.
Studiets oppbygging
Utveksling
Forskingsmiljøet som er ansvarleg for ph.d.-programmet har omfattande internasjonale samarbeid, inkludert forskingssamarbeid og rettleiing av ph.d.-kandidatar. Som ph.d.-kandidat vil du få moglegheit til å presentere forskingsarbeid som del av seminar og møte med internasjonale gjestar, og til å delta i diskusjon med andre forskarar på feltet.
Ph.d.-studia inkluderer eit obligatorisk 3-6 månader langt besøk til ein internasjonal forskargruppe. Dispensasjon frå dette blir berre gitt i ekstraordinære tilfelle og er betinga av godkjenning av programkomiteen.
Karrieremuligheter
Kva blir du kvalifisert for?
Avhengig av kva for spesialiseringsområde du vel, vil du få toppmoderne forskingskunnskap, ferdigheiter og kompetanse innanfor eitt eller fleire forskingsområde: Modelldrevne ingeniørtilnærmingar for utvikling av programvaresyste, effektive kommunikasjonsinfrastrukturar for nettverksbaserte og innebygde sensorsystem, avansert matematisk modellering og tilhøyrande berekningsteknikkar for problemløysing innan engineering, og teknikkar for prosessering og analyse av massive datasett frå vitskapelege eksperiment.
Programmet gjer det mogleg å forfølge ein forskarkarriere i akademia, så vel som i industrien, knytt til bruk av informatikk i ingeniørfag, vitskap og samfunn.
Utveksling
Frankrike | Université Sorbonne Paris Nord | https://www.hvl.no/student/utveksling/utvekslingsstad/?id=781
India | Coimbatore Institute of Technology | https://www.hvl.no/student/utveksling/utvekslingsstad/?id=10005
Italia | University of Turin | https://www.hvl.no/student/utveksling/utvekslingsstad/?id=10529
Polen | University of Warsaw | https://www.hvl.no/student/utveksling/utvekslingsstad/?id=10002
Spania | Autonomous University of Madrid | https://www.hvl.no/student/utveksling/utvekslingsstad/?id=10013
Tyskland | Philipps-University of Marburg | https://www.hvl.no/student/utveksling/utvekslingsstad/?id=10012
Tyskland | University of Applied Sciences Hannover | https://www.hvl.no/student/utveksling/utvekslingsstad/?id=10533