Fakta
Informasjon er oppdatert av Høgskulen i Volda
.
Om studiet
Nettstudiet gir deg grunnleggande kunnskapar om religionar, livssyn, etikk og filosofi inkludert religions- og livssynmangfaldet i Noreg. Kunnskap om religion er svært viktig i vårt fleirkulturelle samfunn.
Kva lærer du?
Nettstudiet består av fire emne, kvart på 15 studiepoeng. Du kan velje mellom desse emna:
- Religion og livssyn I
- Religion, media og populærkultur
- Religion og livssyn II
- Religion og samfunn
Dei ulike emna i årsstudiet kan takast kvar for seg og i ulike kombinasjonar.
For lærarar som tek dette som vidareutdanning og ønskjer å ta 30 studiepoeng, tilrår vi emna Religion og livssyn I og II. Desse emna gir innføringskunnskap, medan emna Religion, media og populærkultur og Religion og samfunn går djupare inn i nokre aktuelle og samfunnsrelevante aspekt.
Vil du studere vidare?
Om du ønskjer å studere vidare innanfor fagfeltet, kan årsstudiet godskrivast i Bachelor i religion og kultur ved Høgskulen i Volda.
Studiet gir også grunnlag for opptak til Religion, livssyn og etikk (RLE) fordjupingsstudium.