Organisasjonslære og teamarbeid

Studiet gir innføring i korleis ulike arbeidsgrupper kan brukast i løysing av konkrete oppgåver i ein organisasjon, eller til oppgåveløysing i samarbeid mellom organisasjonar. Utgangspunktet er dei minste einingane i organisasjonen, arbeidsgrupper og team, og dei organisatoriske, psykologiske og sosiale prosessane som bidreg til utvikling av desse einingane. Utvikling og drift av effektive grupper, fleksible organisasjonsformer, relasjonsbygging og samspel mellom individ, gruppe og organisasjon, er også tema. Emnet inngår i Årsstudium i samfunnskunnskap og Bachelor i samfunnsutvikling. Om du ønskjer å studere vidare vil du få godskrive emnet i desse utdanningane.