Fakta
Informasjon er oppdatert av Høgskulen i Volda
.
Om studiet
Vidareutdanninga er retta mot lærarar i grunnskulen frå 1. til 10. årstrinn, og har som mål å gi læraren kompetanse som utøvar og formidlar av skulefaget Kunst og handverk. I studiet vert det lagt særskilt vekt på leire og tekstil.
Studiet skal gi konkret og praksisnært læringsutbytte. Gjennom praktiske tilnærmingar får studentane erfaring med bruk og gjenbruk av materialar som gir grunnlag for å utvikle ein etisk, miljømedviten undervisningspraksis.
Undervisninga er nett- og samlingsbasert. Samlingane vil sikre at studentane får nødvendig undervisning i praktisk arbeid i verkstadane. Erfaringar frå studenten sin undervisningskvardag vil inngå i heile studieløpet.
Dersom du er lærar som er innvilga økonomisk støtte frå UDIR og ynskjer prioritert opptak på dette emnet, må du laste opp dokumentasjon om dette i søknadsweb. Legg ved e-post eller kopi av brev frå UDIR.
Har du spørsmål om dette kan du kontakte EVU-koordinatorOle Frank Bakken.
Her finn du meir informasjon om økonomisk støtte til vidareutdanning gjennom UDIR: https://www.udir.no/kvalitet-og-kompetanse/kompetanseutvikling/videreutdanning/